မိန်းမဆွမ်းကပ် ယောက်ျားဘုရားရှိခိုး

ဒီတခါနဲ့ဆိုရင် မြင်နေရတာသုံးခါရှိနေပြီ ။ အရင်အခါတွေတုံးကတော့ ပြောမနေပါဘူးလေ ၊ သူ့ဟာသူ သိသွားလိမ့်မယ် ၊ သူ့ပြောနေကိုယ်အလုပ်ပျက်တယ်ဆိုပြီး နေနေတာ ။ ဒီတခါတော့မဖြစ်တော့ဘူး ၊ ပြောမှသိ မဲ့ မိန်းမကို ပြောမှဖြစ်တော့မယ်လို့ စဉ်းစားလိုက်တာနဲ့ ကျနော့်အလုပ်လဲပျက်သွားပါလေရော ။    ။

          ဒီလိုပါ ။ ကျနော်က မနက်အဆာပြေသွားရည်စာစားပြီဆိုရင် မစားခင် ဦးဦးဖျားဖျား ဘုရားကိုဆွမ်းကပ်၊ ဘုရားရှိခိုး ၊ ပဌာန်းနိဒ္ဒေသပူဇော် ၊ မေတ္တာပို့အမျှဝေပြီးမှ ဘုရားဆွမ်းတော်ကို ပြန်စွန့်ပြီး စားတဲ့ အလေ့အကျင့် လေး မေမေတို့ဆီကရလို့ လုပ်ထားတယ် ။ ထမင်းကြမ်းဆိုရင်တောင် ညကျန်ဖြစ်မှာစိုးလို့ ထမင်းကြော်လေး ကြော်ပြီး ပူပူနွေးနွေး၊အငွေ့တထောင်းထောင်းလေးနဲ့ သေချာပြင်ဆင်ပြီးမှဘုရားကပ်ပါတယ် ။ ဒီ ဝေယျာဝစ္စ တွေကိုတော့ ကျနော့်မိန်းမက လုပ်ပေးပါတယ် ။ အဲဒီမှာ ကျနော်ဘာသွားတွေ့သလဲဆိုတော့ - ကျနော်က ဘုရားရှိခိုး စနေပြီ ၊ မိန်းမက ထမင်းကြော်လေးကြော်ပြီး ပန်းကန်လေးထဲ(တယောက်စာ)ထဲ့ ၊ ဇွန်းလေးတပ် ၊ ဘုရားစင်ပေါ်တင် ၊ သူလဲကပ်၊ကိုယ်လဲကပ်ပေါ့ ။ ကျနော့်ဆွမ်းတော်ကပ်က ရိုးရိုးလေးပါ ။

          ( ဘုရားတပည့်တော်သည် သံသရာဝဋ်ဆင်းရဲအပေါင်းမှ လွတ်မြောက်စေရန် နိဗ္ဗာန် ကို ရည်မှန်း၍ ဤ ဆွမ်း၊ခဲဖွယ်ဘောဇဉ်၊ပန်း၊ရေချမ်း၊ဆီမီးတို့ကို ဆက်ကပ်လှုဒါန်းပူဇော်ပါ၏အရှင်ဘုရား ။ ထိုကုသိုလ်အကျိုး အားကြောင့် မဂ်တရား၊ဖိုလ်တရား၊နိဗ္ဗာန်တရားတော်မြတ် ကို ရပါလို၏အရှင်ဘုရား ။ မဂ်ဥာဏ်၊ဖိုလ်ဥာဏ်၊ နိဗ္ဗာန်ချမ်းသာမြတ် ကို ရောက်ပါစေကြောင်း အကြောင်းအထောက်အပံ့သည် ဖြစ်ပါစေအရှင်ဘုရား )

          ဒါလေးပါပဲ ၊ ရိုးရိုးလေးပါ ။ ထားပါတော့ ၊ ခုနစကားပြန်ကောက်ရရင် အဲလို ကျနော်ဘုရားရှိခိုးနေဆဲ မိန်းမရောက်လာ၊ဆွမ်းတော်ကပ်ဖို့ပြင်တော့ ကျနော်လဲဆွမ်းတော်ကပ်မယ်လို့ ကြည့်လိုက်တော့ သူက ဆွမ်း နှစ်ပန်းကန်ထဲ့လာတယ် ။ တပန်းကန်ကို ဘုရားရုပ်ပွားတော်ရှေ့ချတယ် ၊ ကျန်တပန်းကန်ကိုတော့ ဘုရားစင် ညာဖက်ထောင့်နား ဘုရားရုပ်ပွားတော်အောက် တပေခွဲလောက်နိမ့်တဲ့အရပ်မှာ တင်ထားတဲ့ ဘိုးတော်ရုပ်တု ရှေ့နား သွားချတယ် ။ ဆိုလိုတာက တလက်စတည်း ဘုရားလဲဆွမ်းကပ် ၊ ဘိုးတော်လဲဆွမ်းကပ် ၊ အဲလိုဖြစ်နေ တာပေါ့ ။ စကားစပ်မိလို့ ဒီ ဘိုးတော်အကြောင်းနဲနဲပြောရဦးမယ် ။ တကယ်တော့ ဒီဘိုးတော်က ကျနော့်ကို စောင့်ရှောက်နေတယ်လို့ မိန်းမကိုဗေဒင်ဆရာကဟောလိုက်လို့ ကျနော့်အတွက် သူက ဘိုးတော်ရုပ်တုလေး ၀ယ်ပြီး အိမ်တွင်းဖခင်ကြီး(ကိုးမြို့ရှင်)ရိုးရာနတ်ကို ပူဇော်သလို ပူဇော်ထားတာပါ ။ အားလုံးသိပြီးသားဖြစ်တဲ့ ဘိုးတော်ကြီးပါ ။ (အဘ ဘိုးမင်းခေါင် လေ)

          ကျနော်က ဂန္ဓာရီကျင့်စဉ်၊၀ိဇ္ဇာဓိုရ်တွေအကြောင်းလဲ နဲနဲပါးပါးစပ်စုထားတော့ သူတို့ရည်ရွယ်ချက်ကို သိပါတယ် ။ သူတို့က ဒီဘ၀၊ဒီခန္ဓာကိုယ်နဲ့ကိုပဲ နောင်ပွင့်မဲ့ အရိမေတ္တေယျ မြတ်စွာဘုရားရှင်ကို ဖူးမြင်ချင်တယ် လေ ။ ဒါကြောင့် အသက်တမ်းကိုဆွဲဆန့်ထားလို့ရတဲ့ သမထ ကျင့်စဉ်တွေကို ပြင်းပြင်းထန်ထန်အားထုတ်ပြီး ပေါက်မြောက်ထားတဲ့ပုဂ္ဂိုလ်တွေပါ ။ သမထအစွမ်းကြောင့် တန်ခိုးသိဒ္ဓိတစုံတရာ ရှိကြတယ် ။ ဒါပေမဲ့ တရား စစ်၊တရားမှန်မရသေးလို့ ၊ အရိယာသူတော်စင်တွေမဟုတ်သေးပါဘူး ။ ဘုရားရှင်ကိုအင်မတန်ကြည်ညိုပြီး ကိုယ်တိုင်ဖူးမြင် ကျွတ်တမ်းဝင်ချင်တဲ့အာသီသနဲ့ သာသနာပြုနေ ၊ သာသနာပြုသူတွေကို စောင့်ရှောက် နေတဲ့ အနရိယာ ပုဂ္ဂိုလ်တွေပါ ။ ( အမှန်အတိုင်းပြောရရင် ကျနော့်ကို ပုဂ္ဂိုလ်တပါး စောင့်ရှောက်နေတယ်ဆိုတာ ငယ် စဉ် (လူပျိုပေါက်) အရွယ်ထဲက ရိပ်မိပါတယ် ။ ညသန်းခေါင်ကျော် လူပြတ်တဲ့နေရာတွေ ၊ သင်္ချိုင်းကုန်းတွေ နားက ဖြတ်လျှောက်သွားရင် ၀တ်ဖြူစင်ကြယ်ပုဂ္ဂိုလ်တဦးဦး နောက်ကလိုက်လာနေသလို ခံစားရဖူးပါတယ် ။ မေမေတို့ကလဲ နင့်နောက်က အဲလိုလိုက်လာသလိုလို မြင်ဖူးတယ်တဲ့ ။) ထားပါတော့လေ ။

          ခုနလို ဘုရားနဲ့ဘိုးတော် တပြိုင်နက်ဆွမ်းကပ်နေတဲ့ပုံစံကြီးကြည့်ပြီး ကျနော့်စိတ်ထဲတမျိုးကြီးဖြစ်နေ တာ ၊ ခုမနက်တော့ မနေနိုင်တော့ဘူး ၊ မိန်းမကိုပြောမှဖြစ်တော့မယ်လို့ ဆုံးဖြတ်လိုက်တာနဲ့ ဘုရားရှိခိုး ခဏ

ရပ်သွားတယ် ။ စိတ်ကိုမနဲပြန်ထိန်း ၊ ပြီးမှ အေးဆေးပြောပြမယ်ဆိုပြီး ဘုရားကိုပြီးအောင်ရှိခိုးလိုက်ပါတယ် ။

ပြီးတော့ ကျနော့်ထုံးစံအတိုင်း ဘုရားဆွမ်းတော်စွန့်တော်မူပါဘုရားလို့ စိတ်ကဆိုပြီး အဲဒီပန်းကန်ဘေးချထား ၊ ဘိုးတော်ကြီးရှေ့က ပန်းကန်လေးအသာကိုင်ပြီး ( သာသနာပြု ၀ိဇ္ဇာဓိုရ် ဘိုးတော်ကြီးကိုလဲ ဆွမ်းကပ်လှုပါ တယ် ။ သာသနာလဲပြုပါ ၊ သာသနာပြုသူ၊သာသနာကိုကာကွယ်စောင့်ရှောက်သူများကိုလဲ စောင့်ရှောက်ပါ ၊ စောင့်ရှောက်နိူင်ပါတယ် ) လို့ စိတ်က ရိုရိုသေသေဆိုပြီး ဆွမ်းကပ်လှုလိုက်ပါတယ် ။ ပြီးမှ မိန်းမကို ဒီလိုမျိုး အေးအေးဆေးဆေး ရှင်းပြတယ် ။

          ငါ နင့်ကို ဥပမာတခုပြောပြမယ် ။ ဆိုပါစို့ - ငါတို့လင်မယား ဘုန်းကြီးဆွမ်းကပ်မယ် ။ ဆွမ်းတော်ပွဲ အကျအနပြင် ၊ ယူလာ ၊ ဘုန်းကြီးဆွမ်းစားပွဲပေါ်တင် ၊အဲဒီမှာ နင်ရောငါရောရိုသေတဲ့ ကျောင်းဆရာ(တို့ဆရာ) ဆိုပါတော့ဟာ ၊ ဆရာလဲလာ တခါတည်းစားပါဆိုပြီး ဆရာ့အတွက်ထမင်းပွဲကို ဘုန်းကြီးဝိုင်းမှာတခါထဲတင်ပြီး ကျွေးမယ်ဆိုရင် နင့်ဆရာရောစားရဲပါ့မလား ။ ဆရာတော်ကတရားရှိသူမို့ သည်းခံမယ်ဆိုတောင် တင့်တယ်ပါ့ မလား ။ အောက်က ဘုန်းကြီးဆွမ်းကပ်ဖို့ လက်တပြင်ပြင်ရှိနေတဲ့ နင့်ယောက်ျားရော ဘာဆက်လုပ်ရမှာလဲ ။ အေး - အဲလို ဘုန်းကြီးဝိုင်းမှာ လူကိုတခါတည်းရောမကပ်နိုင်ဘူးဆိုရင် ၊ ကုန်ကုန်ပြောမယ်ဟာ ။ ဒီနိုင်ငံရဲ့ အကြီးဆုံးဖြစ်တဲ့ သမ္မတတောင် ဘုန်းကြီးနဲ့တ၀ိုင်းထဲဝင်မစားရဲဘူးဆိုရင် ဘုန်းကြီးတွေ(သံဃာ)ရဲ့ ဖခင်ဖြစ်တဲ့ (သံဃာဟာ ဘုရားသားတော်ဖြစ်တယ်ဆိုတာအမှတ်ရနော်) မြတ်စွာဘုရားရှင်ကိုယ်တော်မြတ်ကြီးနဲ့ (ဘယ်လို ပဲ တန်ခိုးရှင်ဖြစ်ပါစေ အရိယာတောင်မဟုတ်သေးတဲ့ အနရိယာ လူပုဂ္ဂိုလ်) ဘိုးတော်တပါးနဲ့ တတန်းထဲထား ပြီးတော့ ဆွမ်းတော်ကပ်သင့်ပါရဲ့လား ။ လူမဟုတ်တဲ့ တန်ခိုးရှိနတ်ဆိုပေမဲ့ အသူရကာယ်ဘုံသား အစောင့် အရှောက်နတ်တွေကိုရော ဘုရားနဲ့တတန်းထဲထား ကပ်လှုသင့်ပါရဲ့လား ။ တန်ခိုးအရာမှာ ဗြဟ္မာတွေတောင် မနိုင်ဘူးဆိုတဲ့ ၊ ဘုရားရှင်ကို အမြဲနှောင့်ယှက်ခဲ့တဲ့ မာရ်နတ်ကြီးဟာ ရှင်ဥပဂုတ္တရဟန္တာကြီးကိုတော့မနိုင်ဘူး ။ သူရှုံးတော့ ရှင်ဥပဂုတ္တမထေရ်ကြီးခိုင်းတာလုပ်ရတယ် ။ မထေရ်ကြီးက မာရ်နတ် သင်က ဘုရားကိုမြင်ဖူးခဲ့ တော့ ငါ့ကို ဘုရားရှင်ပုံဖန်ဆင်းပြစမ်းပါ ၊ ငါမြင်ဖူးချင်လို့ဆိုတော့ မာရ်နတ်ကြီးက ဖန်ဆင်းပြရတယ် ။ မထေရ် မြတ်ကြီးဟာ မာရ်နတ်ကြီးဖန်ဆင်းပြတဲ့ မြတ်စွာဘုရားရှင်ကိုယ်တော်မြတ်ကြီးရဲ့ တုနှိုင်းမဲ့အသရေတော်ကို မြင် လိုက်ရတဲ့အခါ မာရ်နတ်ကြီးကိုမေ့ပြီး ဘုရားအမှတ်နဲ့ရှိခိုးလိုက်မိတယ် ။ မာရ်နတ်ကြီးလဲတွေ့ရော လန့်ဖြတ်ပြီး ဘုရားအသွင်ပျောက် ၊ စကြ၀ဠာတံတိုင်းထိအောင် လွင့်စင်ထွက်သွားတော့တယ် ။ (ဒါကြောင့် သူသေချာမှာခဲ့ တာ ၊ အရှင်ဘုရား တပည့်တော်ကိုမရှိခိုးနဲ့နော်လို့ ၊) ဒီလောက်တန်ခိုးကြီးတဲ့ မာရ်နတ်ကြီးတောင် ဘုရားသား တော် ရဟန္တာကြီးရဲ့ ဘုရားအမှတ်နဲ့ရှိခိုးတာကိုတောင် ထိတ်လန့်တုံလှုပ်သေးရင် သူတို့တွေခမျာ(အောက်ဆင့် အစောင့်နတ်တွေနဲ့ ဘိုးတော်တွေ) ဘုရားနဲ့တတန်းထဲထားပူဇော်တာကို ခံယူရဲပါ့မလား ။ နင်တို့ ကိုးကွယ်ပုံ မှားယွင်းနေသေးတယ် ။ တကယ်ဆို ဖြစ်သင့်တာက ဘုရားကိုဆွမ်းတော်တင် ၊ ဘုရားရှိခိုးပြီးမှ ပြန်စွန့်တဲ့ဆွမ်း၊ သို့မဟုတ် အခြားဆွမ်းတခုခုကို ကိုယ့်အပေါ်စောင့်ရှောက်လိုသူတွေအတွက် ကျေးဇူးသိတတ်သောအားဖြင့် ရိုသေလေးစားစိတ်နဲ့ လှုဒါန်းခြင်း၊မေတ္တာပို့ခြင်းမျိုးသာ ပြုအပ်ပါတယ် ။ ဒါဆို သူတို့လဲအနေမခက် ၊ အမြင်လဲ တင့်တယ် ၊ ကုသိုလ်လဲရ ၊ ကိုယ်အလိုရှိရာတွေလဲ အောင်မြင်နိုင်မှာပါ ။ နင်ခုနလုပ်ပုံမျိုးနဲ့တော့ ဘိုးတော်ကြီး မှာ မာရ်နတ်ကြီးနဲ့ရှင်ဥပဂုတ်ဖြစ်သလို စိတ်ဆိုးရအခက်၊ငိုရအခက်ဖြစ်နေပါဦးမယ်  လို့ ရှင်းပြလိုက်ရပါတယ် ။

          ဒီလောက်ဆိုရင်တော့ မိန်းမလဲ သဘောပေါက်လောက်ပြီထင်ပါတယ် ။ နောင် ဒီလိုအပြုအမူမျိုးမှာ သတိထားဆင်ခြင်သွားနိုင်လိမ့်မယ် ထင်ပါတယ် ။ ဒါတောင် မိန်းမတို့သဘာဝ မပြောသာပြောသာ ဆင်ခြေကန် လိုက်သေးတယ် ။ ( ကျမလဲ စိတ်ထဲကနေ ဘုရားအရင်ကပ်ပြီးမှ ဘိုးတော်ကိုကပ်တာပါ ) တဲ့ ။ သြော် - - -

ကျနော် ပြုံးမိမလိုလို ဖြစ်သွားရပါတယ် ။ ရုတ်တရက်ပဲ ကဗျာချိုးလေးတခု စိတ်ထဲ ကောက်ပေါ်လာ၊ကောက် စပ်လိုက်မိပါတော့တယ် ။ ကဗျာ နာမည်က မိန်းမဆွမ်းကပ် ယောက်ျားဘုရားရှိခိုး တဲ့ ။ ဒီကဗျာလေးကို ရေး မပြခင် မြင်သာအောင်လို့ နောက်ခံအခင်းအကျင်းလေးကို နဲနဲခင်းပြပါဦးမယ် ။

          ကျနော်တို့ဘုရားခန်းက ဘုရားစင်(ဆွမ်း၊ပန်း၊ရေချမ်း)တင်တဲ့နေရာက လူရဲ့ ရင်ဘတ်သာသာလောက် (အမြင့် လေးပေခွဲခန့်)မှာရှိတယ် ။ အဲဒီစင်နဲ့ တတန်းထဲ ညာဖက်ခြမ်းမှာ ဘိုးတော်(ဘိုးမင်းခေါင်)ရုပ်တု တင် ထားတယ် ။ ဘုရားရှင်ရုပ်ပွားတော် စံပယ်တဲ့ ဘုရားကျောင်းဆောင်လေး(ပလ္လင်တော်နှင့်တကွ)က လူတရပ် သာသာ (အမြင့် ခြောက်ပေကျော်လောက်) အလယ်ခေါင်တည့်တည့်မှာ ရှိတယ် ။ ကျနော်က ဘုရားရှင်ကို မြင် သာတဲ့ အောက်ကြမ်းခင်းမှာ ကျုံ့ကျုံ့ထိုင်ဘုရားရှိခိုးနေတယ် ။ မိန်းမက ပန်းကန်လေးနှစ်ချပ်ယူလာ ။ ဘယ် လက်က ပန်းကန်ကို ဘုရားရှေ့တည့်တည့် စင်ပေါ်ချ ၊ ညာလက်က ပန်းကန်ကို ဘိုးတော်ရုပ်တုရှေ့နား ကပ်ချ ကဲ - ဒီလောက်ဆို မြင်ယောင်မိပြီထင်ပါတယ် ။ ကျနော့်ကဗျာလေး ဖတ်ကြည့်ကြပါကုန် ။

မိန်းမဆွမ်းကပ် ယောက်ျားဘုရားရှိခိုး

ဘယ်လက်က အရင်ပို့

အဲဒါ ဘုရားဖို့ ။

ညာလက်က နောက်မှထား

ဘိုးတော် နောက်မှစား ။

အောက်ကယောက်ျား ဒုက္ခများ

       ကန်တော့ပါသေးရဲ့ ဘုရား     ။  ။

                                                          ၀ီ မံ သာ

                                               ( 14-3-2014 )