ဗုဒ္ဓဘာသာ ( ၅ ၊ ၆ )

၅ ။ ငါးပါးသီလ ။ သူ့အသက်သတ်ခြင်း ၊ သူ့ဥစ္စာခိုးယူခြင်း ၊ သူ့အိမ်ယာကျူးလွန်ခြင်း ၊ လိမ်ညာပြောဆိုခြင်း ၊ မူးယစ် သေရည်သောက်စားခြင်းတို့မှ ရှောင်ကြဉ်သော ကိုယ်ကျင့်တရားစောင့်ထိန်းမှု

          ကျနော်တို့လူတွေ ကိုယ်ချင်းစာစိတ်ကလေး ရှိရင်ကိုပဲ ငါးပါးသီလ အတော်လုံခြုံနေပါပြီ ။ သီလစောင့်ရင်ဘာဖြစ် မယ် ၊ သီလမစောင့်ရင်ဘာဖြစ်မယ် ဆိုတဲ့ မက်လုံးတွေ ၊ လှန့်လုံးတွေကြောင့် သီလစောင့်ရတယ်ဆိုတာ တုတ်ကြောက် တဲ့ ကလေးစာကျက်သလိုသာ ရှိနေပါမယ်။ မြတ်စွာဘုရားရှင် ကိုယ်တော်မြတ်ကြီး ဖြစ်စေချင်တဲ့ စောင့်ထိန်းစေချင်တဲ့ ငါးပါးသီလက ဒီလိုပါခင်ဗျာ                                                                                                               ။

၁။ ပါဏာတိပါတာ ဝေရာမဏိသိက္ခာပဒံ သမာဒိယာမိ ။  ကျနော်လဲ အသက်ရှင်ချင်ပါတယ် ။ ကျနော့်အသက်ကို ကျနော်နှမျောသလို ခင်ဗျားလဲ ကိုယ့်အသက်ကိုတော့ နှမျောမှာပါ ။ ဒီလိုပဲ ခွေး၊ကြောင်၊ကြက်၊၀က် သက်ရှိသတ္တ၀ါ မှန်သမျှ အသက်ရှင်ချင်ကြမှာပဲ ဆိုတဲ့ ကိုယ်ချင်းစာစိတ်ကလေးနဲ့ မသတ်တော့ဘူး ။ အဲဒါ သီလပါ ။                               

 ၂။ အဒိန္နဒါနာ ဝေရာမဏိ - - - - ။ ကိုယ့်ပစ္စည်းဥစ္စာကို ဘယ်သူမှမဆုံးရှုံးချင်ပါဘူး ။ ကိုယ်မသိပဲ ခိုးယူသွားရင် ကြိုက်မှာမဟုတ်တဲ့နည်းတူ သူများပစ္စည်းကိုလဲ မခိုးတော့ပါဘူး ။ အဲဒါ သီလပါ                                                           ။                                                         ၃။ ကာမေသုမိစ္ဆာစာရာ ဝေရာမဏိ - - - - ။ ကိုယ့်မယား ၊ ကိုယ့်သမီး သူများစော်ကားရင် ကြိုက်နိုင်မလား ။ အင်မတန်နာကျင်ခံခက်ဖြစ်နေရမှာပါ ။ ဒါ့ကြောင့်ငါလဲ သူများမယား၊သူများလင် သူများသမီးပျိုလူမမယ်ကို မကျူးလွန် ၊ မစော်ကားတော့ပါဘူးလို့ စောင့်ထိန်းလိုက်တာ ။ ဒီသီလသာလုံခြုံရင် မုဒိန်းမှုဆိုတာ ရှိလာမှာမဟုတ်သလို ကမ္ဘာလောက ရဲ့ မျက်ရည်တ၀က်လောက်ဟာ ကျစရာမလိုတော့ပါဘူး ။                                                                                    

 ၄။ မုသာဝါဒါ ဝေရာမဏိ - - - - ။ ကိုယ်ယုံကြည်မိသူက ကိုယ့်ကိုလိမ်ညာ၊သစ္စာဖောက်သွားရင် အင်မတန် နာကျည်းရမှာနော် ။ ဒါကြောင့် ငါ့ကိုလိမ်တာမကြိုက်သလို ငါလဲ သူများကိုမလိမ်တော့ပါဘူး လို့ နှုတ်စောင့်စည်းလိုက် တာ ။ ဒီသီလသာ လုံခြုံရင် ကမ္ဘာလောကကြီး မျက်ရည်ကျစရာကို မလိုတော့ပါဘူး ။ ခုတော့ သစ္စာမရှိ ၊ ကတိမတည် မုသားမပါလင်္ကာမချောလို့ လိမ်ညာမှုတွေပေါလွန်းနေတဲ့ လူ့လောကကြီး ကြိမ်မီးအုံးသလို ပူပြင်းလောင်မြိုက်နေလိုက် ရတာ အဲဒီ ကလိမ်ခြုံ လျှာကြောင့်ဆိုတာ သတိထားသင့်ပါပြီ ။                                                                                                       ၅။ သုရာမေရယျ မစ္ဆပမာဒဌာနာ ဝေရာမဏိ - - - - ။ မေ့လျော့ခြင်းတို့၏ တည်ရာ သေရည်သေရက် သောက်သုံးခြင်းမှ ရှောင်ကြဉ်ပါ၏ ။ မူးတဲ့သူဟာ သတိချွတ်ယွင်းသွားပြီ ။ သူမလုပ်ရဲတဲ့မကောင်းမှုဆိုတာ မရှိတော့ပါ ဘူး ။ မူးတဲ့သူကိုယ့်လာစော်ကားတာမကြိုက်ရင် ကိုယ်လဲမမူးနဲ့၊မစော်ကားနဲ့ ဒီစိတ်နဲ့စောင့်ထိန်းလိုက်မယ်ဆိုရင် ပြဿနာအတော်ငြိမ်းသွားမှာပါ ။                                                                                                        ဒီတော့ကာ ကျနော်တို့ရင်ထဲမှာ ကိုယ်ချင်းစာစိတ်ကလေး ကိန်းအောင်းနေပြီဆိုရင် ဘုရားစင်ရှေ့ ၊ သံဃာစင် ရှေ့ အာမဘန္တေမခံရသေးရင်တောင်မှ သီလလုံခြုံနေပါပြီလို့ ယုံကြည်စိတ်ချနေလိုက်ပါခင်ဗျာ ။

၆ ။ တရားဂုဏ်တော်(၆)ပါး ။ သွက္ခာတော ၊ သံဒိဌိကော ၊ အကာလိကော ၊ ဧဟိပသိကာ ၊ သြပါနေယျိကော ၊ ပဉ္စတံ ဝေဒိတပ္ပေါ ၀ိညူဟိ ။ (ကောင်းမြတ်ခြင်း ၊ ကိုယ်တိုင်သိနိုင်ခြင်း ၊ အခါမလင့်အကျိုးပေးခြင်း ၊ လာလှဲ့ ရှုလှဲ့ဟု ဖိတ်ခေါ် ထိုက်ခြင်း ၊ ကပ်၍ဆောင်ထားအပ်ခြင်း ၊ ပညာရှိတို့သိအပ်မြင်အပ်ခြင်း)

          သွက္ခာတ ဂုဏ်တော် ။ မြတ်စွာဘုရားရှင်ဟောကြားတော်မူတဲ့ တရားတော်တွေဟာ အစ(ပါရမီကောင်းတွေဖြည့် ကျင့်ရခြင်း) ၊ အလယ်(မှန်ကန်သောလမ်းကြောင်းပေါ်ရောက်ရှိခြင်း) ၊ အဆုံး (ဘ၀ဒုက္ခအပေါင်းတို့မှလွတ်မြောက်ခြင်း) ဆိုတဲ့ အစ၊အလယ်၊အဆုံး ကောင်းမြတ်ခြင်းနဲ့ ပြည့်စုံသော တရားတော်ဖြစ်ပါတယ် ။                                                    

သံဒိဌိက ဂုဏ်တော် ။ တရားတော်တွေဟာ သူများပြောနဲ့တင်လမ်းဆုံးမနေပဲ မိမိကိုယ်တိုင်ဆင်ခြင်သုံးသပ်၍ မိမိ ကိုယ်ပိုင်ဥာဏ်ဖြင့်သိနိုင်သောတရားတွေဖြစ်လို့ အမှီအခိုကင်းသော လွတ်မြောက်ရေးတရားတော်ဖြစ်ပါတယ် ။                           

 အ ကာလိက ဂုဏ်တော် ။ တရားတော်ကိုဆောင်သူ ၊ ကျင့်ကြံအားထုတ်သူဟာ သံသရာဝဋ်ဆင်းရဲကို ဖြတ်တတ်တဲ့ မဂ်ဥာဏ်၊ဖိုလ်ဥာဏ်၊နိဗ္ဗာန်ချမ်းသာမြတ်ကို အချိန်မရွေး၊အခါမလင့်ရရှိနိုင်လို့ ယုံကြည်စိတ်ချ အားထား ထိုက်တဲ့ တရားတော်ပဲဖြစ်ပါတယ် ။              ဧဟိပဿိက ဂုဏ်တော် ။ မြတ်စွာဘုရားရဲ့တရားတော်ဟာ အစမ်းသပ်ခံနိုင်တယ် ၊ အမွန်တမြတ်လဲဖြစ်လို့ လာလှဲ့ပါ ၊ ရှုလှဲ့ပါ ၊ ကျင့်သုံးလိုက်နာကြည့်ကြစမ်းပါလို့ ဖိတ်ခေါ်ထိုက်တဲ့ တရားတော်ကြီးဖြစ်ပါတယ် ။  သြပါနေယျိက ဂုဏ်တော် ။ အနာရောဂါစွဲကပ်နေသူဟာ ဆေးကောင်းဝါးကောင်းကို အနာပျောက်ကင်းစေဖို့ ကိုယ်နှင့်မကွာအမြဲဆောင်ထားရသလို ကာမ၀ဋ် ၊ ကိလေသ၀ဋ် ၊ ၀ိပါက၀ဋ် ဆိုတဲ့ ၀ဋ်ကြွေးအနာစွဲကပ်နေတဲ့ လူ၊သတ္တ၀ါ အပေါင်းတို့ဟာ ၀ဋ်ဆင်းရဲအပေါင်းမှလွတ်မြောက်စေသော မဂ်၊ဖိုလ်၊နိဗ္ဗာန် ကိုးပါးသော လောကုတ္တရာတရားတော်ကို ကိုယ်နှင့်မကွာကပ်၍ဆောင်ထားအပ်ပါတယ် ။ လောကဆင်းရဲနာတွေ သက်သာစေရေးအတွက်လဲ မှန်ကန်စွာ သိမြင် ၊ ပြောဆို ၊ လုပ်ကိုင် နေထိုင်ရေးဆိုတဲ့ မဂ္ဂင်ရှစ်ရပ် အကျင့်မြတ်ကိုလဲ ကပ်၍ဆောင်ထားအပ်ပါတယ် ။                                      ပဉ္စတံ ဝေဒိတပ္ပေါ ၀ိညူဟိ ဂုဏ်တော် ။ အရိယာသူတော်စင်တို့သိအပ်သော ၊ ပညာရှိတို့ရှုအပ်မြင်အပ်သော ထိုတရားတော်တို့ကို ကောင်းကျိုးချမ်းသာလိုလားသူမှန်သမျှ သိအပ်၊မြင်အပ်၊ရှုအပ်ပါတယ်လို့ တိုက်တွန်းခြင်းငှာထိုက် တဲ့ တရားတော်ကြီးလဲ ဖြစ်ပါတယ် ။                                                                                                    ထို (၆)ပါးသော ဂုဏ်တော်တို့ဖြင့် ပြည့်စုံတော်မူသော တရားတော်ကို အသက်ထက်ဆုံး ယုံကြည်၊ဆည်းကပ် ၊ လေးမြတ်၊ကိုးကွယ်လျက် ဘ၀ဒုက္ခအပေါင်းမှ လွတ်မြောက်နိုင်ကြပါစေ ။

                                                                                      ( ၀ီမံသာ )