နှလုံးသားနဲ့ ကခုန်ခြင်း

တသက်လုံး ပစ်ထားခဲ့မိတဲ့

ဒဏ်ရာရ ကိုယ့်နှလုံးသားလေးကို

အေးအေးဆေးဆေး ထိုင်ကြည့်ဖြစ်တယ် ။

သူ့အထဲက ထွက်ထွက်လာတတ်တဲ့

တောင်စဉ်ရေမရ အတွေးတွေကို ဖယ်ပြီးတော့လေ ။

မွေးကတဲက အနားမရ ခုန်နေရရှာတဲ့

လုပ်သားကောင်း နှလုံးသားလေးဟာ

ဂရုတစိုက် ကြည့်နေတဲ့ကိုယ့်ကို

စည်းချက်ညီညီ ကခုန်ပြရှာတယ် ။

ခန္ဓာကိုယ်ကတောင် ရှေ့နောက်ယိမ်းလို့

လိုက်ဖက်ညီစွာ ကခုန်ရှာပေါ့ ။

ရှေ့၊နောက် သွေးကြောလေးတွေအားလုံး

တပြိုင်နက် စည်းချက်လိုက်ရင်းပေါ့ ။

အသက်ရှုသံ ပုံမှန် ၊ ရင်ခုန်သံ ပုံမှန် ၊

သိပ်လှတဲ့ အခိုက်အတန့်ခဏ ၊

တဘဝနဲ့ မလဲနိုင်ပါဘူးကွယ် ။

- - - - - - - - - - - - - -

အတန်ကြာတော့ ဝေဒနာနှိပ်စက်

ခံရခက်တဲ့ ဒေါမနဿလေး အဝင်မှာ

နှလုံးသားလေး အခုန်မြန်လာတယ် ။

ပူလာပြီး အမောလေးပါ ဖောက်လို့ပေါ့ ။

တောင်းပန်ပါတယ် နှလုံးသားလေးရယ် ၊

အသိမဲ့ ဒေါသကြမ်းကြမ်းကြီးတွေနဲ့

တသက်လုံး ပူလောင်၊အနေခက်

ဒဏ်ရာရတဲ့အထိ မင်းကို နှိပ်စက်မိတာ

တောင်းပန်ပါတယ် ၊ ပြီးတော့ ကတိပေးပါတယ် ။

နောင် - လက်ကျန်ဘဝတလျောက်

ဒေါသမဲ့ ပုံမှန်အသက်ရှုသံတွေနဲ့

မင်းနဲ့အတူ စည်းချက်ညီ ကခုန်ပါ့မယ်လို့လေ ။

(21-8-2017) 3:00 AM