အောင်မြင်တဲ့အိမ်ထောင်ရေး (သို့) မျက်စိဖွင့်ပြီးချစ်ကြပါ

အသွင်မတူအိမ်သူမဖြစ် ၊ အသွင်တူမှအိမ်သူဖြစ်ဆိုတာ ကိုးကွယ်ယုံကြည်မှုတူရာ ပေါင်းစည်းကြဖို့သာ ရည်ညွှန်းတဲ့ စကားရပ်ပါ ။ ဒါပေမဲ့ အသွင်တူတဲ့အိမ်ထောင်ရေးတိုင်း သန့်ရှင်းမှန်ကန်တဲ့ အောင်မြင်မှုမျိုး မရနိုင်ကြပါဘူး ။ ဥပမာ -

လောဘ နဲ့ လောဘခြင်း ပေါင်းစပ်တဲ့အိမ်ထောင်ရေးဟာ မသန့်ရှင်းနိုင်ပါဘူး ။ ကိုလောဘနဲ့ မလောဘတို့ ပေါင်း ၊ လောဘတွေ လျှမ်းလျှမ်းတောက်ပြီး သူ့မိသားစု သူ့အိမ်ထောင်ရေး တဘို့ထဲကြည့်ပြီး တကိုယ်ကောင်းဆန်စွာ နေထိုင် လှုပ်ရှားတတ်ကြလို့ သူ့ပတ်ဝန်းကျင်ကိုဒုက္ခပေး ၊ မျက်ရည်များစွာကို ရင်းပြီးရလာတဲ့ ချမ်းသာ၊အောင်မြင်မှုမျိုးဟာ အပြစ်မကင်းနိုင်ပါဘူး ။ တဘဝစံအဖြစ်နဲ့ သံသရာမှာ ဒဏ်ခတ်ခံရမှာပါ ။

မာန နဲ့ မာနခြင်း ပေါင်းစပ်ပြီဆိုရင်တော့ - ကိုမာန နဲ့ မမာနတို့ကို ကလေးမယူကြပါနဲ့လို့ပဲ ပြောလိုက်ပါရစေ ။ ဘာလို့လဲ ဆိုတော့ မာနခြင်းပြိုင်ပြီး အိမ်ထောင်ရေးပြိုကွဲမှုရဲ့ သားကောင်တွေအဖြစ် အပြစ်မဲ့ကလေးလေးတွေကို လူ့လောကထဲ ခေါ်နှိပ်စက်ရာ ကျမှာစိုးလို့ပါ ။

သဘာဝခြင်းမတူ၊ဆန့်ကျင်ပေမဲ့ ဥာဏ်ပညာ နဲ့ သဒ္ဓါ ပေါင်းစပ်တဲ့ အိမ်ထောင်ရေးကတော့ စစ်မှန်၊မွန်မြတ်တဲ့ အောင်မြင် မှုမျိုးကို ရနိုင်တယ်ဆိုတာ ကိုယ်တွေ့ကြုံခဲ့ရဖူးပါတယ် ။ မိသားစုလေးတခုမှာ အဖေက ဥာဏ်ပညာကြီးမားတယ် ။ အမေ က သဒ္ဓါတရားအားကောင်းတယ် ။ သူတို့နှစ်ယောက်ရဲ့ အိမ်ထောင်ရေးဟာ သေတပန်သက်တဆုံး တည်မြဲခဲ့ရုံမက အဖေအသက်(၈၀)မှာ ကွယ်လွန်သွားခဲ့ပေမဲ့ သားသမီး(၆)ယောက်ကို အမေအိုကြီးရဲ့ မေတ္တာဖြန့်ကျက်မှုတွေနဲ့ ယနေ့ အထိ ဥမကွဲသိုက်မပျက် စည်းစည်းလုံးလုံးနဲ့ နေထိုင်နိုင်စေခဲ့ပါတယ် ။ ဒါတင်မက မိဘနှစ်ပါးရဲ့ မှန်ကန်တဲ့ဆုံးမမှုတွေ ၊ သူတို့ကိုးကွယ်ရာ ထေရဝါဒဗုဒ္ဓဘာသာတရားရဲ့ စစ်မှန်တဲ့ အဆုံးအမတွေကို ယုံကြည်သက်ဝင်စွာနဲ့ တသက်လုံး လိပ်ပြာသန့်တဲ့ အသက်မွေးမှုမျိုးတွေနဲ့ပဲ ရှင်သန်နေထိုင်ကြရင်း မျိုးဆက်သစ် သားသမီးလေးတွေကိုပါ လိမ္မာယဉ်ကျေး အောင် ဆုံးမနိုင်တဲ့ ပျော်ရွှင်စရာမိသားစုကြီးအဖြစ် ရပ်တည်နိုင်ခဲ့ပါတယ် ။

ဒီနေ့ ဒီလိုအခြေအနေမျိုး နေနိုင်ခဲ့ပေမဲ့ အတိတ်တချိန်မှာတော့ လောကဓံတရားရဲ့ ရိုက်ပုတ်မှုအောက်မှာ ၊ လူမဆန်တဲ့ လူတချို့ရဲ့ ရက်စက်မှုတွေအောက်မှာ ဒီမိသားစုကြီးဟာ ပြိုကွဲလုမတတ် ခံစားခဲ့ရပါသေးတယ် ။

ဒါပေမဲ့ ဥာဏ်ပညာကြီးမားတဲ့ အဖေနဲ့ သဒ္ဓါတရားအားကောင်းတဲ့ အမေတို့ဟာ လောကဓံကို အံကြိတ်ခံရင်း သူတို့နှစ်ဦး ရဲ့ အပြန်အလှန်မေတ္တာတွေ ၊ မဖောက်မပြန်ခိုင်မာတဲ့ သစ္စာတရားတွေနဲ့ အိမ်ထောင်ရေးကိုထိန်းကျောင်းပြီး မောင်နှမ (၆)ယောက်ကို လူလားမြောက်တဲ့အထိ ၊ လောကအလယ်မှာ မှန်ကန်စွာရပ်တည်နိုင်တဲ့အထိ ပြုစုပျိုးထောင်ပေးနိုင် ခဲ့ပါတယ် ။

သူတို့ကိုယ်တိုင်လဲ (အများပြောကြတဲ့) အိုဇာတာကောင်းမွန်မှုမျိုးနဲ့ သားသမီးတွေရဲ့ ကျေးဇူးတုံ့ပြန်မေတ္တာတွေကို ကျေနပ်စွာခံစား ၊ အဖေဆိုရင် တရားတော်နဲ့အညီ နေထိုင်ခဲ့ပြီး လူ့လောကထဲကနေ တည်ငြိမ်အေးချမ်းစွာ ထွက်ခွာ သွားခဲ့ပါပြီ ။ အမေဆိုရင်လဲ ခင်ပွန်းသည်ရဲ့ ကောင်းရာသုဂတိဘုံဘဝကို မျှော်မှန်းရင်း ၊ သားသမီး၊မြေးလေးတွေကို မေတ္တာနဲ့စောင့်ရှောက်ရင်း သားသမီး၊မြေးတွေရဲ့ ကုသိုလ်ကောင်းမှုပြုရာ လယ်ယာမြေကောင်းသဖွယ်နေထိုင်ရင်း သံသရာခရီးအတွက် ပြုံးသေ သေနိုင်ဖို့ ပြင်ဆင်နေပါပြီ ။

ဒါကြောင့်မို့ မျိုးဆက်သစ်လူငယ်တွေအနေနဲ့ အိမ်ထောင်ပြုတော့မယ်ဆိုရင် မိမိနှလုံးသားက အချစ်ကို အဖျက်စွမ်းအား အဖြစ် မရောက်စေပဲ မိမိဘဝအဆင့် မြှင့်တင်ပေးနိုင်မဲ့ အထက်ကအိမ်ထောင်ရေးလို အတွဲအစပ်ကောင်းလေးတွေကို ရှာဖွေ၊ရွေးခြယ်နိုင်ကြဖို့အတွက် ( ဥာဏ်မျက်စိကို ဖွင့်ပြီးချစ်ကြပါ ) လို့ တိုက်တွန်းချင်ပါတယ် ။

(မျက်ကန်းအချစ်)ကတော့ ဘဝကိုပါ ကန်းစေတာမို့ အဲဒီလိုအချစ်မျိုးကို မယုံစားကြပါနဲ့လို့လဲ သတိပေးချင်ပါတယ် ။

ဘဝကိုအောင်မြင်စေမဲ့ ကောင်းနိုးရာရာ အိမ်ထောင်ရေးအတွဲအစပ်လေးတချို့ကို တင်ပြပေးလိုက်ပါတယ် ။

(၁) သဒ္ဓါ နဲ့ ဥာဏ်ပညာ အတွဲ

မိမိက သဒ္ဓါကောင်းသူဆိုရင် သဒ္ဓါလွန်ပြီးတဏှာကျွန်မဖြစ်ရအောင် ထိန်းကျောင်းပေးနိုင်တဲ့ ဥာဏ်ပညာကြီးမားသူကို ရွေးခြယ်သင့်ပါတယ် ။

(၂) ဝီရိယ နဲ့ တည်ငြိမ်မှု(သမာဓိ) အတွဲ

မိမိက ဝီရိယကောင်းသူဆိုရင် ဝီရိယလွန်ကဲပြီး ပျံ့လွင့်တုံလှုပ်မှုမျိုးမဖြစ်အောင် ထိန်းချုပ်ပေးနိုင်တဲ့ တည်ငြိမ်သူကို ရွေးခြယ်သင့်ပါတယ် ။

(၃) စေတနာ နဲ့ ကရုဏာ အတွဲ

မိမိက စေတနာကောင်းသူဆိုရင် မိမိစေတနာတွေ အလဟဿမဖြစ်ရလေအောင် သနားကြင်နာတတ်သူကို ရွေးခြယ်သင့်ပါတယ် ။

(၄) ဥာဏ်ပညာ နဲ့ ဥာဏ်ပညာ အတွဲ

လောကမှာ အမြတ်ဆုံးစုံတွဲပါ ။ ပညာပေါ်ပညာဆင့်လို့ ကြီးမားတဲ့မေတ္တာတရားတွေနဲ့ လောကကောင်းကျိုးကို အမြင့်မားဆုံးသယ်ပိုးနိုင်တဲ့ ( မဟော်သဓာ နဲ့ အမရာဒေဝီ ) လို တော်ဝင်၊စံပြ အိမ်ထောင်ရေးတခု ဖြစ်လာမှာ အသေအချာပါပဲ ။

အိမ်ထောင်မြင့်မှ မျိုးဆက်မြင့်၊တင့်တယ်မယ် ။ မျိုးဆက်မြင့်မှ နိုင်ငံမြင့်မားမယ် ။ ဒီသဘောတရားကို ယုံကြည်စွာနဲ့ စစ်မှန်၊မွန်မြတ်တဲ့ အိမ်ထောင်ရေးဘဝတွေကို ထူထောင်ပြီး ၊ မိမိတို့မျိုးဆက်ကို မြှင့်တင်ရင်းနဲ့ နိုင်ငံ၊လူမျိုးကိုပါ မြှင့်တင်နိုင်ကြပါစေလို့ ဆုတောင်းမေတ္တာ ပို့သလိုက်ပါတယ် ။

( ဝီမံသာ ) 1-4-2018