၁၁ ။ ပစ္ဆာဇာတပစ္စယ (နိဒ္ဒေသ)

ပစ္ဆာဇာတာ စိတ္တစေတသိကာ ဓမ္မာ ပုရေဇာတဿ  ဣမဿ ကာယဿ ပစ္ဆာဇာတပစ္စယေန ပစ္စယော ။

          နောက်မှဖြစ်လာမယ့် စိတ်၊စေတသိက်တရားတွေဟာ ရှေးဦးဖြစ်နှင့်ပြီးသားရုပ်တရားတွေကို ပစ္ဆာဇာတပစ္စယ အကြောင်းအထောက်အပံ့နဲ့ ကျေးဇူးပြုတတ်ပါသေးတယ် ။

          ပဉ္စဝေါကာရဘုံသား(လူ၊နတ်၊သတ္တ၀ါ)တွေမှာ အရူပ၀ိဉာတ်(၄)ပါးဖယ်လို့ ကျန်စိတ်(၈၅)ပါး ၊ ဆိုင်ရာစေတသိက် (၅၂)ပါးတို့ဟာ အနာဂါတ်မှာ မလွဲမသွေဖြစ်လာစရာရှိပါတယ် ။ အဲဒီဖြစ်လာမဲ့စိတ်၊စေတသိက်တရားတွေကို အကြောင်း ပြုလို့ ယခု ပစ္စုပ္ပန်မှာ ကမ္မဇရုပ် ၊ ဥတုဇရုပ် ၊ အာဟာရဓဇရုပ် ၊ စိတ္တဇရုပ် လို့ခေါ်တဲ့ ရုပ်တရားလေးပါးဟာ ဖြစ်ကြပျက်ကြ ရပါတယ် ။ ဒါဟာ ပစ္ဆာဇာတပစ္စယ အကြောင်းအထောက်အပံ့ပါပဲ ။

          ရှေးဆရာများက ဠင်းတငှက်ဥပမာနဲ့ အဓိပ္ပါယ်ဖွင့်ကြပါတယ် ။ ဠင်းတမိဘနှစ်ပါးဟာ ငှက်ပေါက်လေးတွေမွေးပြီး တာနဲ့ အသိုက်မှာထားခဲ့ပြီး အစာရှာထွက်သွားပါတယ် ။ ဠင်းတပေါက်ကလေးတွေမှာ ဆာလောင်နေပေမဲ့ သူတို့မိဘတွေ ပြန်လာရင်စားရမှာပဲ ဆိုတဲ့အသိနဲ့ မျှော်တလင့်လင့်ပေါ့ ။ အချိန်တန်ပြန်လာတော့ ဘာအစာမှပါမလာပါဘူး ။ ကဲ-ဒီနေ့ မပါသေး နောက်နေ့ပေါ့ ၊ဒီလိုနဲ့ဆက်မျှော် ၊ နောက်နေ့လဲမပါ ။ (တော်တော်ရက်စက်တဲ့ လဒမိဘတွေနော်) ကုန်ကုန်ပြော ရရင် သူတို့အစာရှာနိုင်တော့မှပဲ ဠင်းတငှက်ကလေးတွေခမျာ စားရပါတော့တယ် ။ အစာမစားရပဲ ဘာလို့အသက်ရှင်နိူင် သလဲဆိုတော့ (အဖေအမေပြန်လာရင်စားရမယ်)ဆိုတဲ့မျှော်လင့်ချက် ၊ (တကယ်မစားရပါပဲနဲ့နောက်တော့စားရမှာပေါ့) ဆိုတဲ့အသိက ပစ္ဆာဇာတပစ္စယသတ္တိနဲ့ အထောက်အပံ့ပြုထားလို့သာ အသက်ရှင်နေနိုင်တာပါ တဲ့ ။

          ကဲ - ကျနော်တို့ လူတွေမျှော်လင့်တယ်ဆိုတာ လဒလေးတွေ ဘယ်မှီမလဲနော် ။ သူတို့ခမျာ မျှော်လင့်ချက်နဲ့ အသက်ရှင်နေကြတာ ။ မြတ်စွာဘုရားရဲ့ ဉာဏ်တော်ကြီး ကြည်ညိုဖို့ကောင်းလိုက်တာ ၊ ပစ္ဆာဇာတ ပစ္စယ ပုဒ်ကလေး ကျဉ်းကျဉ်းလေးနဲ့ အနက်အဓိပ္ပါယ် ကျယ်ဝန်းလိုက်တာ ၊ တလောကလုံးကို ခြုံငုံမိအောင်ပါပဲ ။ ( မျှော်လင့်ချက်နဲ့ အသက်ရှင်နေတယ် ) ဆိုတာ ၊ အံ့သြဖို့ကောင်းလိုက်တာနော် ။

          ခု ကျနော်တို့ လူတွေ လုပ်ကိုင်၊ကြံစည်၊ပြောဆို၊ပြုမူ၊ကြိုးစားအားထုတ်နေသမျှဟာ အနာဂါတ်အတွက်ပဲ မဟုတ် လားခင်ဗျာ ။ အိမ်ရှင်မဟာ နေ့လည်ထမင်းစားဖို့အတွက် မနက်ကတည်းက တကုပ်ကုပ်နဲ့ ထမင်းချက်တယ်၊(ချက်တဲ့ အချိန် စားသေးတာမဟုတ်) ။ ကျောင်းသားဟာ နောက်နေ့စာမေးပွဲဖြေဖို့အတွက် ဒီနေ့ကတည်းက စာကျက်တယ်၊ (ကျက်တဲ့အချိန် ဖြေရသေးတာမဟုတ်) ။ အလုပ်သမားဟာ နေကုန်ရင်ပိုက်ဆံရဖို့အတွက် မနက်ကတည်းက ခါးချိ အောင် အလုပ်လုပ်တယ် ။ (လုပ်နေချိန် ပိုက်ဆံရတာမဟုတ်)။ အလှုရှင်တွေဟာ လာမဲ့သံသရာဘ၀ခရီးလမ်းတလျောက် ချမ်းချမ်းသာသာနေရအောင်လို့ ဒါနကုသိုလ်တွေပြုကြတယ် ။ (လှုနေချိန်ချမ်းသာလာတာမဟုတ်) ။ နောက်ဆုံး ကုန်ကုန် ပြောရရင် ခုစက္ကန့်မှာ အသက်ရှုလိုက်တာဟာ နောက်စက္ကန့်အသက်ရှင်ဖို့ပဲမဟုတ်လားဗျာ ။

          တချို့လူတွေပြောကြတယ် ။ ငါ့အနာဂါတ် မှောင်မိုက်နေတယ် တဲ့ ။ မျှော်လင့်ချက်မဲ့တဲ့ဘ၀မှာ ရှင်သန်ခြင်းဟာ အလကားပါပဲတဲ့ ။ ဟုတ်ပါတယ် ။ ဘာလုပ်လို့ဘာကိုင်ရမယ်မသိ ၊ မျှော်လင့်စရာဘာမှမရှိ ၊ ဘာဖြစ်လာမယ်မှန်းမသိ ဆို တဲ့ အခြေအနေမျိုးမှာ လူတွေဟာ ဘာမှလုပ်ချင်ကိုင်ချင်စိတ် မရှိတော့ဘူး ၊ အိပ်ပဲနေချင်တော့တယ် ၊ အသက်တောင် မရှင်ချင်တော့ဘူး ဆိုတာဟာ နောင်ဖြစ်လာမဲ့ အားကောင်းတဲ့စိတ်စေတသိက်တရားတွေရဲ့ အကြောင်းအထောက်အပံ့ ကို မရလို့ လက်ရှိရုပ်တရားတွေ အားနဲချိနဲ့ ကုန်ကြတာပါပဲ ။

          ရုရှားစာရေးဆရာကြီး လီယိုတော်လ်စတွိုင်းရဲ့ ပုံပြင်လေးတပုဒ် စိတ်ထဲစွဲနေတယ် ။ ခွေးနက်ကြီးနှစ်ကောင် အလိုက်ခံရလို့ ထွက်ပြေးလာတဲ့ လူဟာ ရေတွင်းပျက်ကြီးထဲပြုတ်ကျသွားတယ် ၊ ရေတွင်းဘောင်မှာပေါက်နေတဲ့ နွယ်ပင် လေးကို သွေးရူးသွေးတမ်းဖမ်းဆုပ်ရင်း အလယ်ခေါင်မှာတွဲလွဲခိုလို့ ၊ အောက်မှာ ရေတွင်းအပြည့်လောက်ကြီးတဲ့ ပင့်ကူ ကြီးက ပြုတ်ကျလာရင် စားဖို့စောင့်နေ ၊ ဒီကြားထဲ ဧရာမကြွက်ကြီးတကောင်က သူခိုထားတဲ့နွယ်ပင်နွယ်ကြိုးလေးကို တရိရိပြတ်အောင် ကိုက်ဖြတ်နေပြန်တယ် ၊ ဒီလောက်အသည်းထိတ်စရာကောင်းပြီး အန္တရာယ်ကြားထဲကပဲ ဒီလူဟာ နွယ်ပင်အဖျားမှာ တင်နေတဲ့ ပျားရည်လေးတစက်ကိုမြင်တော့ အငမ်းမရ လျှာနဲ့လျက်လိုက်ပါသေးတယ် တဲ့ ။ ဒါဟာ လူ့ဘ၀ပါပဲ ။ ဘယ်လောက်မှောင်မိုက်နေပါစေ၊ဘယ်လောက်အန္တရာယ်တွေကြားထဲရောက်နေပါစေ ၊ အချိန်ရဲ့ တရိရိ ကိုက်စားခြင်းကိုခံရပြီး ဘယ်လောက်ပဲ သေမင်းခံတွင်းဝ ရောက်နေပါစေ ။ လူဟာ နောက်စက္ကန့်လေး အသက်ရှင်ခွင့်

ဆိုတဲ့ ဘ၀တဏှာ၊အလိုဆန္ဒ၊မျှော်လင့်ချက်ပျားရည်လေးတစက်ကို အငမ်းမရလျက်ရင်း ရုန်းကန်၊အားထုတ်၊ပျော်ရွှင် နေနိုင်ကြတာ ဖြစ်လာမဲ့စိတ်စေတသိက်တရားတွေက လက်ရှိရုပ်တရားကို ကျေးဇူးပြုလိုက်တဲ့ ပစ္ဆာဇာတပစ္စယသတ္တိပါပဲ။

          ပစ္ဆာဇာတ ပစ္စည်းကို ဆင်ခြင်သုံးသပ်ရင်း ဘုရားရှင်ရဲ့အဆုံးအမတခုဖြစ်တဲ့ ( ယောနိသောမနသိကာရ ) အသင့် အတင့် နှလုံးသွင်းပါ (တနည်း) အကောင်းမြင်စိတ်ကိုမွေးပါ ဆိုတာကို ပိုလို့ယုံကြည်လိုက်နာမိလာပါတယ် ။ အကောင်း မြင်စိတ်ရှိသူဟာ အပြုသဘောဆောင်တဲ့မျှော်လင့်ချက်တွေ တောက်ပနေတတ်တယ် ။ အနာဂါတ်မှာ ဖြစ်လာစရာရှိတဲ့ စိတ်ဓါတ်တွေဟာလဲ ကောင်းမွန်၊ခိုင်မာ၊အားကောင်းနေတော့ ပစ္စုပ္ပန်အပြုအမူ ၊ အားထုတ်မှုတွေဟာလဲ ကြည်လင် ၊ တက်ကြွလို့ ကောင်းတဲ့ဘ၀တွေကိုပဲ ဖြစ်စေတော့မှာပါ ။ လူ့လောက ကောင်းကျိုးဆောင်သွားခဲ့ကြတဲ့ မြတ်ဗုဒ္ဓ ၊ သခင် ယေရှု ၊ ဗိုလ်ချုပ်အောင်ဆန်း ၊ မဟတ္တမဂန္ဓီ ၊ အိုင်စတိုင်း ၊ အယ်ဒီဆင် - - - စတဲ့ နယ်ပယ်စုံက ပုဂ္ဂိုလ်ကြီးတွေဟာ ဒီ အကောင်းမြင်စိတ် ရှိတဲ့သူတွေပဲဆိုတာ သိနိုင်ပါတယ် ။

                              အမှန်တရားကိုမြတ်နိုးသော ချစ်စွာသောစာရှုသူ -   မိမိခန္ဓာမှာ ဖြစ်ပျက်နေမှုအစုစုကို ဉာဏ် ဖြင့် သေချာဆင်ခြင်သုံးသပ်ကြည့်ပါကုန်။ ပစ္စုပ္ပန်ရုပ်တရားတွေဟာ အနာဂါတ်မှာဖြစ်လာစရာရှိတဲ့ စိတ်စေတသိက် တရားတွေရဲ့ ပစ္ဆာဇာတပစ္စည်း  အကြောင်းအထောက်အပံ့ကြောင့်သာ  ဖြစ်ပျက်လေ့ရှိကြပါတယ် ။ ငါ့ရုပ် ၊ ငါ့အလုပ် ရယ်လို့ ဘယ်မှာမှ ရှာမရပါကလားဟု နားလည်သိရှိသွားပါလျှင် သက္ကာယဒိဋ္ဌိ(ငါစွဲ)ပျောက်နိုင်ပါသည်။ ပစ္ဆာဇာတပစ္စယ ၏ အကြောင်းအထောက်အပံ့ကို ရွတ်ဖတ်ရုံမျှမက အဓိပ္ပါယ်သဘောတရားကို ဉာဏ်ဖြင့်ဆင်ခြင်သုံးသပ်၍ သိလာရသော ကိုယ်ပိုင်အသိတရားတို့ကို သို့လောသို့လော တွေးတောယုံမှားခြင်းမရှိပဲ ယုံကြည်သဒ္ဓါခိုင်မြဲစွာဖြင့် ဆင်ခြင်သုံးသပ်၊ ပွားများအားထုတ် သွားမည် ဆိုပါလျှင် တိဟိတ်ပုဂ္ဂိုလ်မှန်ပါက ယခုဘဝတွင်ပင် သံသရာပြတ်ကြောင်း မဂ္ဂင်အကျင့် ကောင်းကို ရရှိပိုင်နိုင်လျက် ဖြစ် ဆင်းရဲ၊ ပျက် ဆင်းရဲတို့ ချုပ်ငြိမ်းရာအမှန် မြတ်နိဗ္ဗာန်ကို ဧကန်မျက်မှောက် ပြုနိုင် ပါမည့်အကြောင်း သတင်းကောင်းပါး လိုက်ရပါသည် ။          ။     

                                                                               ဝီမံသာ

  (၂၀-၃-၂၀၁၄)

မှတ်ချက် ။           ။ ဆက်လက်ဖော်ပြပါမည်။ ဆောင်းပါးပုံစံဖြင့် ရေးသားရခြင်းဖြစ်ပါသဖြင့် အပြီးတိုင်မဖော်ပြနိုင်ခြင်းအပေါ်

နားလည်ခွင့်လွှတ်စေချင်ပါသည် ။   (စာရေးသူ)