ဘုရားကို စော်ကားမိသလို ဖြစ်လိမ့်မယ်

ဒီစာကို (အထူးသဖြင့်) ဗုဒ္ဓဘာသာဝင်မှန်ရင် သေချာဖတ်စေချင်ပါတယ် ။ အသီးသီးရဲ့ သံသရာ ဘေးကို စိုးရိမ်လို့ ရေးလိုက်ရခြင်းဖြစ်ပါတယ် ။

ဗုဒ္ဓဘာသာဝင်မှန်ရင် မိရိုးဖလာဘာသာဝင်ဖြစ်ဖြစ် ၊ ကလျာဏအနွယ်ဝင်ဖြစ်ဖြစ် ဘုရားကိုတော့ ရိုသေရကောင်းမှန်း သိမှာပါ ။ ဒါပေမဲ့ နိုင်ငံရေး လိုအင်လောဘတချို့နဲ့ ဝါဒမှိုင်းတိုက်သူတွေ ကြောင့် (မဘသ) သံဃာအဖွဲ့အစည်းကြီးကို စော်ကားတိုက်ခိုက်နေကြသူတွေ သိပ်ကြောက်ဖို့ကောင်းတဲ့သံသရာဘေးကြီးက စောင့်နေလို့ ဒီစာကိုရေးရတာပါ ။

ဒါလေး သေချာမှတ်ထားပါ - ( မဘသကို စော်ကားရင် ဘုရားကိုစော်ကားမိသလို ဖြစ်လိမ့် မယ် ) ။ ဒီထက် ထပ်ပြောရရင် မဘသ ကို ဝစီကံနဲ့ စော်ကားနေသူတွေဟာ ဘုရားပုံတော်တွေကို ခြေနဲ့တက်နင်းနေတဲ့ ၊ ဘုရားဆင်းတုတော်တွေကို မိန်းမကိုယ် ၊ ယောက်ျားကိုယ်နဲ့ ပွတ်ပြီး၊ခွပြီး မဖွယ်မရာလုပ်ပြနေတဲ့ ၊ ဘာသာပျက်/ဘာသာခြားတို့ရဲ့ လုပ်ရပ်ထက် ပိုအပြစ်ကြီးပါတယ် ။ ဘာကြောင့်လဲဆိုတော့ မဘသအဖွဲ့ကြီးမှာ (သုတဗုဒ္ဓ) တွေ ပါနေလို့ပါပဲ ။

ဗုဒ္ဓမြတ်စွာ ပရိနိဗ္ဗာန်စံတော်မူခါနီးအချိန်က စရှင်းပါ့မယ် ။ မြတ်စွာဘုရားရှင်ဟာ အာယုသင်္ခါရလွှတ်ပြီး မလ္လာမင်းတို့ရဲ့ ဥယျာဉ်တော်မှာ နောက်ဆုံးအကြိမ်တရားဟောခြင်းအဖြစ် အရှင်အနုရုဒ္ဓါ ၊ အရှင်အာနန္ဒာ စတဲ့ သာဝကကြီးတွေနဲ့ ရဟန်း အပေါင်းကို အမှာစကားဟောကြားတော်မူပါတယ် ။ (ဟန္တဒါနိဘိက္ခဝေ၊အာမန္တရာမိဝေါ ၊ ဝယဓမ္မာသင်္ခါရာ၊အပ္ပမာဒေန သမ္မာဒေဌ တိ) ဆိုတဲ့ နောက်ဆုံးစကားကိုတော့ အများသိပြီးဖြစ်မှာပါ ။ အဲဒီရှေ့ ၊ အဲဒီနောက်ဆုံးစကားမပြောမီ တပည့် သာဝကတွေကို သာသနာတော်အတွက် အမှာစကား ပါးခဲ့တာက -

(ချစ်သားတို့ - မစိုးရိမ်ကြလင့် ၊ ငါဘုရားပရိနိဗ္ဗာန်ပြုသွားပေမဲ့ ဘုရားမရှိတော့ဟု မမှတ်ယူကြကုန်လင့် ၊ ငါဘုရားမရှိလို့ ဘုရားအဆုံးအမတွေ မရှိတော့ဟု မမှတ်ယူကြကုန်လင့် ။ (၄၅)ဝါတို့ပတ်လုံး ငါဘုရားဟောကြားတော်မူခဲ့သော တရား အစုစုတို့ကို ဘုရားရှင်ကိုယ်စား ထားရစ်ခဲ့ပြီးဖြစ်သည် ။ ထိုတရားအစု (ဓမ္မ) သည်ပင် ငါဘုရားအဖြစ် အသင်တို့အား အဆုံးအမကို ပေးလတ္တံ့) ဒါ ပထမဦးဆုံးစေတီဖြစ်တဲ့ ဓမ္မစေတီကို ညွှန်ပြခဲ့တာပါပဲ (၁) ။                               

တဖန် - တရားတော်နှင့် မနီးစပ် ၊ မယဉ်ပါး ၊ ဥာဏ်ပညာနုံ့နဲကြသူတို့အား အပါယ်ဘေးမှထုတ်ဆောင်ခါ လောကီကုသိုလ် တရား ပွားများလျက် နိဗ္ဗာန်၏အထောက်အပံ့ဖြစ်စေခြင်းငှါ (၂) ငါဘုရား၏ ဓါတ်တော် ၊ မွေတော် ၊ ဆံတော် ၊ စွယ်တော် စသည့် သရီရဓါတ်အစုစု တို့ကို မြှုပ်နှံလျက်တည်ထားသော ဓါတုစေတီ ၊ (၃) ငါဘုရားပုံတော် ကိုယ်ပွား ရုပ်ထုတော် ၊ ပုံတော်ပန်းချီကား ၊ အထိမ်းအမှတ် အုတ်ပုံစေတီ၊သဲပုံစေတီ စသည့် ဥဒ္ဒိဿစေတီ ၊ (၄) ငါဘုရားရှင် မှီဝဲသုံးဆောင်ရာ ပစ္စည်းလေးပါးနှင့် သဗ္ဗညုတဥာဏ်တော်ရကြောင်း အမှီပြုရာ မဟာဗောဓိညောင်ပင် အစရှိသည့် ပရိဘောဂစေတီ ဟူ၍ ကိုးကွယ်ရာ ၊ အားထားရာ စေတီ(၄)မျိုး - ဓမ္မစေတီ ၊ ဓါတုစေတီ ၊ ဥဒ္ဒိသစေတီ ၊ ပရိဘောဂစေတီ တို့ကို အစဉ်လိုက် ပြဌာန်းခဲ့ပါတယ် ။ ဓမ္မစေတီ ဆိုတာ ဘုရားဟောသမျှတရားအားလုံးကို သုတ် ၊ ဝိနည်း ၊ အဘိဓမ္မာလို့ တူရာစုပေါင်း ထားတဲ့ ပိဋကတ်သုံးပုံပါပဲ ။

ဒါကြောင့်မို့ ဓမ္မစေတီထိုက်တဲ့ ပိဋကတ်သုံးပုံဟာ ရွှေတိဂုံလို ဆံတော်ရှင်၊စွယ်တော်ရှင် ဓါတုစေတီတော်ကြီးတွေထက် ပိုပြီးဘုရားအရာထိုက်လို့ ပိုပြီးမြတ်ပါတယ် ။ ဥဒ္ဒိဿစေတီ ရုပ်ပွားတော်၊ဆင်းတုတော်တွေထက် ပိုပိုပြီးမြတ်ပါတယ် ။

ဂေါတမဗုဒ္ဓမြတ်စွာဘုရား သာသနာတော်မှာ ပထမဆုံး ပိဋကတ်သုံးပုံ အာဂုံဆောင်သူဟာ အရှင်အာနန္ဒာ မထေရ်မြတ် ကြီးပါ ပဲ ။ ထိုစဉ်က ပိဋကတ်သုံးပုံရယ်လို့ မစုစည်းရသေးခင်မှာ ဘုရားရှင်ဟောသမျှ တရားအားလုံးကို သိရှိခွင့်ရတာ ရှင်အာနန္ဒာပဲ ဖြစ်ပါတယ် ။ မြတ်စွာဘုရားရှင်ကိုယ်တော်မြတ်ကြီးက ငါဘုရားမရှိတော့ရင် ငါဘုရားကိုယ်စား တရားတော် အားလုံးကို အကုန်အစင်အာဂုံဆောင်နိုင်တဲ့ အာနန္ဒာဟာ ဗဟုသုတ ၊ အကြားအမြင်အားဖြင့် သမုတ်အပ်သော ငါဘုရား ကိုယ်ပွား (သုတဗုဒ္ဓ)ပင် ဖြစ်ပေတယ် လို့ ချီးကျူးတော်မူခဲ့ပါတယ် ။ ဒီစကားကိုထောက်ရင် ပိဋကတ်သုံးပုံ အာဂုံဆောင် နိုင်သော တိပိဋကဆရာတော်ကြီးတွေဟာ (သုတဗုဒ္ဓ)တွေ ဖြစ်တယ်ဆိုတာ ထင်ရှားသိသာနိုင်ပါပြီ ။

ဒီကနေ့ မြန်မာနိုင်ငံမှာ သာသနာတော်ကြီးဟာ မိစ္ဆာဒိဌိတွေရဲ့ အန္တရာယ်နဲ့ကြုံနေရလို့ ထေရ်ကြီး၊ဝါကြီး သံဃာတော် မထေရ်မြတ်ကြီးတွေဟာ ဘုရားသာသနာကို ဘုရားသားတော် ငါတို့သံဃာတွေက ဦးဆောင်ကာကွယ်မှ ဖြစ်တော့မယ် ဆိုပြီး အမျိုး ဘာသာ သာသနာ ကာကွယ်စောင့်ရှောက်ရေးအဖွဲ့ကြီး (မဘသ)ကို ဖွဲ့စည်းခဲ့ပါတယ် ။ နိုင်ငံရေးသွေးခွဲသူ တွေက မဘသဟာ (မဟန) သံဃာ့မဟာနာယကအဖွဲ့ကို စင်ပြိုင်ထောင်တယ် ၊ သိန်းစိန်လက်ကိုင်ဒုတ် လို့ ယုတ်မာစွာ လုပ်ကြံသွေးထိုးခဲ့လို့ ဒီမိုကရေစီ လိုလားတဲ့ ဗုဒ္ဓဘာသာဝင်လေးတွေခမျာ သံသရာနွံနစ်စေမဲ့ စော်ကားမှုကြီးတွေ လုပ်မိ လျက်သားဖြစ်ခဲ့ရပါတယ် ။ တကယ့် အဖြစ်မှန်မှာတော့ -

မဘသဗဟို ဥက္ကဌဆရာတော်ကြီး (ရွာမဆရာတော်ကြီး) ကိုယ်တုိုင်က ဗဟိုသံဃာ့ဝန်ဆောင် ဆရာတော်   ကြီးတပါး ဖြစ်ပါတယ် ။ ဒုတိယဥက္ကဌ(၁) သီတဂူဆရာတော်ကြီးဟာ ဗဟိုသံဃာ့မဟာနာယကအဖွဲ့ကြီးရဲ့ တာဝန်ပေးချက်အရ ကမ္ဘာ့ဗုဒ္ဓတက္ကသိုလ်အဓိပတိ တာဝန်ကိုယူရင်း ၊ သီတဂူဗုဒ္ဓတက္ကသိုလ် တည်ထောင်သူ ကမ္ဘာ့ ဗုဒ္ဓဘာသာ သာသနာပြု ဆရာတော်ကြီးတပါးဖြစ်ပါတယ် ။ (သုတဗုဒ္ဓ)လို့ သမုတ်အပ်တဲ့ ပိဋကတ်သုံးပုံအာဂုံဆောင် လက်ရှိ တိပိဋကဆရာတော် (၉)ပါးစလုံးဟာ မဘသ ဦးဆောင်ဆရာတော်ကြီးတွေအဖြစ် စတင်ဖွဲ့စည်းကတည်းက ပါဝင်ခဲ့ကြတာပါ ။ ဓါတ်ပုံတောင် အရိုက်မခံတဲ့ ဘယ်အဖွဲ့အစည်းမှ ပါဝင်လေ့မရှိတဲ့ တိပိဋကဓရ ယောဆရာတော်ကြီးကတောင် ( ဒါကလုပ်ရမဲ့ဟာ ) ဆို ပြီး လက်မှတ်ရေးထိုး ပါ ဝင်လာခဲ့တာဖြစ်ပါတယ် ။

မဘသ ကိုစော်ကားရင်းနဲ့ သံဃာကိုပါ စော်ကားမိလာတယ် ။ တပါးထဲဆို ရဟန်း(ပုဂ္ဂိုလ်) ၊ နှစ်ပါး သုံးပါး အစုဆို သံဃာ ထိုက်ပါပြီ ။ တချို့တောနယ်တွေမှာ အခြေအနေအရ သိမ်သမုတ်ဖို့ခက်ရင် နှစ်ပါးရအောင်ရှာပြီး သိမ်သမုတ်ကြပါတယ် ။ ဝိနည်းတော်အရ သိမ်သမုတ် ၊ ရဟန်းခံ ကမ္မဝါညှပ်ရာမှာ (၃)ပါး ၊ (၅)ပါး သတ်မှတ်ထားပေမဲ့ ခက်ခဲရှားပါးတဲ့အချိန်မှာ တပါးအထက်သံဃာဖြင့်ပြုနိုင်သည်ဟု  ခွင့်ပြုထားလို့ ရဟန်း(၂)ပါးစု ဟာလဲ သံဃာပါပဲ ။ သံဃာဟာ တရားတော်တွေ (ဓမ္မ)ကို ဆောင်ရလို့ ဓမ္မစေတီထိုက်ပါတယ် ။ ရွှေတိဂုံထက် မြတ်ပါတယ် ။ (ရွှေတိဂုံကိုဦးခိုက်ပြီး မဘသကိုဆဲနေသူတွေ သတိပြုမိ ဖို့ပြောတာပါ ။) ကုန်ကုန်ပြောပါမယ် ၊ ဒီမိုတွေအမုန်းဆုံး ဆရာတော်ဦးဝီရသူကို ဆဲတာဟာ (ကန်တော့ပါရဲ့) ရွှေတိဂုံကို မိန်းမကိုယ်နဲ့ တက်ပွတ်တာထက် အပြစ်ကြီးပါတယ် ။ ဘာ့ကြောင့်လဲဆိုတော့ ဆရာတော်ဟာ အဘိဝံသ ဘွဲ့တော်ရ ၊ စာချဆရာတော် ၊ မစိုးရိမ်စာသင်တိုက်ကြီးရဲ့ ပဓါနနာယကဆရာတော်တပါးအဖြစ် တရားဓမ္မကို ဆောင်ယူ ၊ သင်ကြားနေသူဖြစ်လို့ တပါးထဲတောင် ဓမ္မစေတီထိုက်နေပါပြီ ။ (ဒီမိုတွေ မယုံလို့ဆက်လုပ်နေရင် ငရဲကျမှ နောင်တတွေ နောက်ကျမှာစိုးလို့ပါ)

မနေ့ကဖတ်လိုက်ရတယ် ၊ ဒေါ်စုအနားက ကွန်ပြူတာ(၂)ဘွဲ့ရကောင်မလေး မဖွယ်မရာပုံတင်ပြီး သံဃာကိုစော်ကား နေလိုက်တာ ။ သူ့စာကို ရှယ်(၃၀၀၀)ကျော်အောင် အကုသိုလ်ပွားလိုက်ကြ ။ ကိုယ်တိုင်အကုသိုလ်လုပ်လို့ အားမရ ၊ သူတပါးပါ အကုသိုလ်မျှဝေသူလောက် ယုတ်ညံ့တာ လောကမှာမရှိတော့ပါဘူး ။ သူ့စာထဲက နောက်ဆုံးစကားလေး (ကျမကဗုဒ္ဓဘာသာဝင်ပေမဲ့ သင်္ကန်းကို ကိုးကွယ်နေသူမဟုတ်ဘူး)တဲ့ ။ ဆဒ္ဒန်ဆင်မင်းဝတ္ထုကိုဖတ်ဖူးပုံမရတဲ့ ဗုဒ္ဓဘာသာ အမည်ခံတဲ့ သူ့စိတ်ဓါတ်အဆင့်အတန်းကတော့ (ရှက်ဖွယ်လိလိ) တိရိစ္ဆာန်လောက်မှ မရှိဘူးဖြစ်နေတာ မှိုင်းတိုက်ခြင်းရဲ့ အကျိုးဆက် ၊ ဝမ်းနဲဖွယ်ရာအဖြစ် သံသရာငရဲသားလေးတွေကို သနားမိပါတယ် ။

ဒီမိုလေးတွေကို နောက်ဆုံးမှာကြားချင်ပါတယ် ။  ဒေါ်စုကို ကြည်ညိုချင်ကြည်ညိုပါ ။ ကိုးကွယ်ရလောက်အောင်အထိ ဆရာတင်မှားရင်တော့ ဒေဝဒတ်ကိုဆရာတင်မှားတဲ့ အဇာတသတ်ကလေးတွေဖြစ်ပြီး ပဉ္စာနန္တိယ ကံကြီးတွေထိုက်မှ အမေ မကယ်နိုင် ဖြစ်ကုန်ကြမှာစိုးလို့ ဒီနောက်ဆုံးစကား သေချာမှတ်သွားကြပါလေ ။ - - -

( သုတဗုဒ္ဓ တွေ ပါဝင်နေတဲ့ မဘသ ကို စော်ကားရင် ဗုဒ္ဓမြတ်စွာဘုရား ကို စော်ကားမိသလို ဖြစ်       လိမ့်မယ် )

                             ( ဝီမံသာ )