၇။ အညမည ပစ္စယ (နိဒ္ဒေသ)

      စတ္တာရောခန္ဓာ အရူပီနော အညမည ပစ္စယေနပစ္စယော ။ စတ္တာရောမဟာဘူတာ အညမည ပစ္စယေနပစ္စယော ။ သြက္ကံတိက္ခဏေ နာမရူပံ အညမည ပစ္စယေနပစ္စယော ။

အညမည ပစ္စည်း ဆိုတာ အချင်းချင်းအပြန်အလှန် အမှီသဟဲပြုခြင်းအားဖြင့် ကျေးဇူးပြုတတ်တဲ့ သဘောကို ခေါ်ပါတယ် ။ ထိုင်ခုံတလုံးရဲ့ ဒေါက်သုံးချောင်းဟာ တခုကိုတခုအပြန်အလှန် အမှီပြုပြီး ဖြစ်တည်နေကြသလိုပဲ ရုပ်တရား နာမ်တရားတွေဟာလဲ အညမညပစ္စယကျေးဇူးပြုလျက် ဖြစ်ပျက်၊ပြောင်းလဲကြရပါတယ်။ ဘယ်တရားတွေ အချင်းချင်း   အမှီသဟဲပြုပြီး ဖြစ်လေ့ရှိသလဲ ဆိုတာ ရှင်းပြထားပါတယ်။

နာမ်ခန္ဓာ(၄)ပါးဟာ အချင်းချင်းအပြန်အလှန်အမှီသဟဲပြုရင်း ဖြစ်ကြပျက်ကြပါတယ် ။ ထို(၄)ပါးမှာ

၁ ။ ဝိဥာဏက္ခန္ဓာ ၊ ၂ ။ သညာက္ခန္ဓာ ၊ ၃ ။ ဝေဒနာက္ခန္ဓာ ၊ ၄ ။ သင်္ခါရက္ခန္ဓာ တို့ဖြစ်ကြပါတယ် ။ ဝိဥာဏက္ခန္ဓာက သိခြင်း သဘောဖြစ်ပါတယ် ။ အာရုံမှန်သမျှကို သိရုံသိလိုက်ပြီး သိခြင်းကိစ္စပြီးတာ နဲ့ ပျက်သွားပါတော့တယ် ။    သညာက္ခန္ဓာက မှတ်သားခြင်းသဘောဖြစ်ပါတယ် ။ သိတာနဲ့တပြိုင်နက် မှတ်လိုက်တယ် ၊ မှတ်ခြင်းကိစ္စပြီးတာနဲ့ ပျက်သွားပါတော့တယ် ။

          ဝေဒနာက္ခန္ဓာက ခံစားခြင်းသဘောဖြစ်ပါတယ် ။ ဝေဒနာ(၃)မျိုးရှိပါတယ် ။ ကောင်းတယ်လို့ခံစားတဲ့ သောမနဿ ဝေဒနာ ၊ မကောင်းဘူးလို့ခံစားတဲ့ ဒေါမနဿဝေဒနာ ၊ ကောင်း၊မကောင်းမဟုတ် လစ်လျူရှုပြီးခံစားတဲ့ ဥပေက္ခာဝေဒနာ ရယ်လို့ ဖြစ်ပါတယ် ။ သိတာ၊မှတ်တာနဲ့တပြိုင်နက် ခံစားလိုက်တယ် ။ ခံစားခြင်းကိစ္စပြီးတာနဲ့ ပျက်သွားပါတော့တယ် ။ သင်္ခါရက္ခန္ဓာကတော့ ပြုပြင်စီရင်၊ပြောင်းလဲခြင်းသဘော ဖြစ်ပါတယ် ။ ပြောင်းလဲခြင်းက အကျိုး(ပစ္စယုပ္ပန်)သာဖြစ်ပြီး ပြုပြင်စီရင်ခြင်း(ဝါ)ပြုလုပ်ခြင်းက အကြောင်း(ပစ္စယ)ဖြစ်ပါတယ် ။ သိတာ၊မှတ်တာ၊ခံစားတာနဲ့တပြိုင်နက် ပြုပြင်စီရင် လိုက်တယ် ။ ပြုပြင်စီရင်ခြင်းကိစ္စပြီးတာနဲ့ ပျက်သွား ပါတော့တယ် ။         

          ဒီခန္ဓာ(၄)ပါးဟာ တပါးကိုတပါး အမှီပြုပြီး၊အချင်းချင်းထောက်ကူဖေးမပြီးမှ ဖြစ်နိူင်၊ပျက်နိူင်ကြပါတယ် ။ တခု အားကောင်းရင် ကျန်တရားတွေအားကောင်းလာပြီး တခုအားနဲရင် ကျန်တရားတွေလိုက်ပါအားနဲလေ့ရှိပါတယ် ။ ဥပမာ သင်္ခါရက္ခန္ဓာဖြစ်တဲ့ ဖဿ (အာရုံထိတွေ့မှု) အားကောင်းရင် ကျန် သိခြင်း၊မှတ်ခြင်း၊ခံစားခြင်းတွေလဲ အားကောင်းလာပြီး ဖဿ အားနဲရင် သိ၊မှတ်၊ခံစားမှုလဲ အားနဲပါတယ် ။ ဒီလိုပဲ သိမှု(မြင်၊ကြား၊တွေး စသည်) အားကောင်းရင်လဲ မှတ်ခြင်း၊ ခံစားခြင်း၊ပြုပြင်စီရင်ခြင်းတွေ အားကောင်းလာပြီး သိမှုအားနဲရင် ခံစား၊ပြုပြင်၊မှတ်သားမှုတွေ အားနဲတတ်ပါတယ် ။

          မဟာဘူတ ဓါတ်ကြီး(၄)ပါးဟာလဲ အချင်းချင်း၊အပြန်အလှန်အမှီသဟဲပြုရင်း ဖြစ်ကြ၊ပျက်ကြပါတယ် ။ ဒီ ရုပ် ဓါတ်ကြီးလေးပါးဟာ အတူတကွပေါင်းစပ်ဖွဲ့စည်းကြတော့မှ အထည်၊ ကိုယ်အဖြစ်မှတ်ယူနိုင်ပါတယ် ။ ဒီမဟာဘုတ် ဓါတ်ကြီး(၄)ပါးကတော့ -  ၁ ။ ပထဝီဓါတ် = မာခြင်း၊ပျော့ခြင်း သဘော ။ ၂ ။ တေဇောဓါတ် = ပူခြင်း၊အေးခြင်းသဘော ။ ၃ ။ အာပေါဓါတ် = ယိုစီးခြင်း၊ဖွဲ့စည်းခြင်းသဘော  ။ ၄ ။ ဝါယောဓါတ် = ထောက်ကန်ခြင်း၊လှုပ်ရှားခြင်းသဘော တို့ပဲ ဖြစ်ပါတယ် ။

          အမိဝမ်းထဲမှာ ပဋိသန္ဓေနေရတဲ့အချိန်မှာ ရုပ်နဲ့နာမ်တို့ဟာ အပြန်အလှန်အမှီသဟဲပြုရင်း ဖြစ်ကြ၊ပျက်ကြ ရပါ တယ် ။ ဘယ်လိုဖြစ်သလဲဆိုတော့ အတိတ်ဘဝက စုတိစိတ်ကျပြီးတာနဲ့ တပြိုင်နက် ပဋိသန္ဓေစိတ်ကလေးဖြစ်တယ် ။ ပဋိသန္ဓေစိတ်ဖြစ်တာနဲ့တပြိုင်နက် အတိတ်ကံအားလျော်စွာ ကမ္မဇရုပ်ကလေးစဖြစ်တယ် ။ စိတ်ကလေးနေတဲ့အိမ်ဖြစ်လို့ ဟဒယဝတ္ထုနှလုံးအိမ်လို့ခေါ်တယ် ။ ပဋိသန္ဓေစိတ် အားကောင်းရင် ကမ္မဇရုပ်ဟဒယဝတ္ထုအားကောင်းမယ် ၊ ဟဒယဝတ္ထု အားကောင်းရင် ဇာတိစိတ်အားကောင်းမယ် ဆိုတဲ့ အညမညပစ္စယ ကျေးဇူးပြုခြင်းအားဖြင့် ရုပ်၊နာမ်နှစ်ပါးတို့ဟာ တခုကို တခု အပြန်အလှန် အမှီသဟဲပြု ဖြစ်ကြ၊ပျက်ကြရင်း တဖြေးဖြေးရင့်ကျက်ကြီးထွား ရုပ်အသစ်၊စိတ်အသစ်တွေ ပွားလာကြ ရတာ ပဉ္စဝေါကာရဘုံသား(ရုပ်-၁၊နာမ်-၄ ရှိသောဘုံ)လူ၊သတ္တဝါအားလုံးရဲ့ သဘာဝသဘောတရားပါပဲ ။    

          အမှန်တရားကိုလိုလားသော ချစ်စွာသောစာရှုသူ ။ မိမိခန္ဓာမှာ ဖြစ်လာသမျှသော တရားတွေကို ဥာဏ်နဲ့သေချာ စူးစိုက် အာရုံပြုကြည့်လိုက်ရင် ရုပ်တရားတွေဟာ သူတို့အချင်းချင်း အပြန်အလှန်အမှီပြုလျက် ၊ နာမ်တရားတွေလဲ သူတို့ အချင်းချင်း အပြန်အလှန်အမှီပြုလျက် ဖြစ်၊ပျက်နေကြတဲ့ ဒီသဘောတရားတွေကြားထဲမှာ အတ္တဆိုတာ ရှာလို့ကိုမရှိပါဘူး လို့ ထင်ရှားသိလိုက်ရင်ဖြင့် ငါစွဲသက္ကာယဒိဋ္ဌိ ပြုတ်ပါပြီ ။ ဖြစ်လိုက်၊ပျက်လိုက် ဆက်တိုက်လည်ပတ်နေရတာမို့ ပြတ်တယ် (ဥစ္ဆေဒ) လို့လဲ မဟုတ်၊ မြဲတယ် (ဿဿတ)လို့လဲမဟုတ်ပါ ။ အစွဲကင်းကင်း၊သံသယရှင်းရှင်းနဲ့ ယုံကြည်သဒ္ဓါ ခိုင်မာစွာ ဆက်လို့ အားထုတ်ပွားများသွားမယ်ဆိုရင် သံသရာစက်ရဟတ် ပြတ်ဖို့ရာ ၊ နိဗ္ဗာန်စခန်းမြန်းဖို့ရာ လက်တကမ်းသာလိုပါ မည် ဖြစ်ကြောင်း သတင်းကောင်းပါးလိုက်ရပါသည် ။   

                                                                              ဝီမံသာ

(၂၀-၉-၂၀၁၃)

မှတ်ချက် ။           ။ ဆက်လက်ဖော်ပြပါမည်။ ဆောင်းပါးပုံစံဖြင့် ရေးသားရခြင်းဖြစ်ပါသဖြင့် အပြီးတိုင်မဖော်ပြနိုင်ခြင်းအပေါ် နားလည်ခွင့်လွှတ်စေချင်ပါသည် ။ (စာရေးသူ)