ဇီဝိတပရိယန္တံ ဗုဒ္ဓံ ဓမ္မံ (သံဃံ)သရဏံဂစ္ဆာမိ လို့ ရတနာ(၃)ပါးကို အသက်ပေးပြီးကိုးကွယ်ပါ့မယ် ဆိုပေမဲ့ ဒီလိုဘုန်းကြီးမျိုးကျတော့ အသက်ပေးဖို့မတန်လိုက်တာ ။
သူ့ဟာသူ ဘဝပေးအခြေအနေအရ တောထွက်ဘုန်းကြီးလုပ်ခဲ့ရပေမဲ့ ရတနာ(၃)ပါးအနွယ်ဝင် သံဃာတော်တပါး ဖြစ်လာပြီဆိုမှတော့ အနဲဆုံး ဘုရားစကားတော့ နားထောင်သင့်ပါပြီ ။ ရဟန်းဝါ (၇)ဝါ/(၈)ဝါလောက်ရနေပြီ ၊ လှုဒါန်းမဲ့ ဒကာတွေလဲ(သူ့အပြောအရ) ရှိနေပြီဆိုမှတော့ ရဟန်းကိစ္စ(ပရိယတ် ၊ ပဋိပတ်)ဆောင်ရွက်ဖို့ သင့်တော်မဲ့ နေရာ၊ ဌာန အာဝါသ တခုခုရွေးပြီး အခြေတကျသီတင်းသုံးနေထိုင်သင့်ပါပြီ ။ ခုတော့ -
ဝါတွင်းလေးပဲ ဝိပသနာရိပ်သာမှာ တရားအားထုတ်၊ဝါကပ်ပြီး ၊ ဝါကျွတ်တာနဲ့ လူတောထဲ လျှောက်သွားတော့တာပဲ ။ ရဟန်းသံဃာဘဝဟာ အင်မတန်မြင့်မြတ်ပါတယ် ။ ကျနော်တို့လူတွေက ထိုင်ရှိခိုးရတဲ့ ရတနာတွေပါ ။ ဒါကို လူတောထဲ မိန်းမတွေ၊ကလေးတွေနဲ့ တမိုးအောက်အတူနေ၊အတူစား၊အိပ် ၊ မိန်းမတွေ၊ကလေးတွေသွားတဲ့ အိမ်သာမှာ ကုဋီတက် ၊ လက်ခံရတဲ့ လူတွေခမျာ ဘယ်လောက်ဝန်လေးလိုက်မလဲ ၊ အနေကြုံ့လိုက်မလဲ ။ ဒါကြောင့် ( ဘုန်းဘုန်း ၊ မသင့်တော် ပါဘူး ၊ တပည့်တော်တို့မဖိတ်ကြားပါဘူး )ဆိုတော့ - ငါက ကထိန်အာနိသင်ရလို့ မဖိတ်လဲလာခွင့်ရှိသတဲ့ ။ ကဲ - ဘယ်လို နေရတော့မလဲ ၊ သမီးလေးကဆို (ဘုန်းဘုန်းဘယ်တော့ပြန်မှာလဲ)လို့ မေးနေ ၊ သူ့ခမျာ အနေကြုံ့ရှာပြီလေ ။ သံဃာကို ရိုသေကိုးကွယ်တဲ့အိမ်မှာ သံဃာက လူတွေနဲ့ တတန်းထဲ နေထိုင်၊စားသောက်၊ပြုမူနေတော့ အားလုံး အနေခက်ရတယ် ။ အဆိုးဆုံးက - (ကိုယ်ကတော့ သံဃာမို့ ခရီးယာယီလာတာပဲလေ ဆိုပြီး ကုဋီသီးသန့်လုပ်ပေးဖို့မတတ်နိုင်ပေမဲ့ ဘုရားခန်းမှာ အိပ်ယာသီးသန့်ခင်းကျင်းပေးထားပါတယ်) အဲ ကိုယ်တော်လာပြီဆိုတာနဲ့ မနက်ပိုင်း ဘုရားဆွမ်းတော်ကပ် ပျက်တော့ တာပဲ ။ ညဖက် ခွက်ပုန်းချ ၊ ထမင်းတွေထစား ၊ မနက် မထတော့ဘူး ။ ဘုရားခန်းမှာ (တခါတလေများ) တုံးလုံး၊ပက်လက် (အကြည်ညိုပျက်ချင်စရာ) ။
စဉ်းစားကြည့် - မိန်းမလုပ်သူက ကိုယ့်ယောက်ျားအရက်သောက်တာတောင် ကြိုက်တာမဟုတ်ဘူး ။ (ငါးပါးသီလ)လေ ။ ဒါကို ဘုန်းကြီးက သောက်နေတယ်ဆိုတော့ -- ( အဲကိုယ်တော်လာတာ ကုသိုလ်မရဘူး ၊ အကုသိုလ်ပဲ ဖြစ်ရတယ် )တဲ့ ။ ပြီးတော့ မူးလာရင် အတိတ်ကသံယောဇဉ်တွေအကြောင်း ၊ ကျောင်းသားဘဝအကြောင်းတွေလျှောက်ပြော ၊ တဟီးဟီး တဟားဟားနဲ့ ( တရားဆွေးနွေးချင်လို့တောင်မရဘူး ) ။ ဒီလိုပုံနဲ့များ သူကလာချင်သေးတယ် - ( ဝီရသူက ဘာဖြစ်တာ၊ ညာဖြစ်တာကွ ) တဲ့ --- ကြာတော့ စိတ်ပေါက်ပေါက်နဲ့ ပြောမိတယ် - ကိုယ်တော်သူ့လို ပရိယတ်တာဝန်ကျေဖူးလားလို့ ။
( တောထွက်မို့ ပရိယတ်သင်ပါ ၊ မန်းလေးမှာ ဗုဒ္ဓတက္ကသိုလ်ရှိတယ် )လို့ အကြံပေးတော့ တက်တယ် ။ ဘုရားကြီးနားက ကျောင်းတိုက်တခုမှာ သီတင်းသုံးခွင့်ရတယ် ။ မကြာပါဘူး ၊ တက္ကသိုလ်ကရော ကျောင်းကပါ ထွက်ချလာတော့တယ် ။ ဘုရားရှင်ရဲ့ ပိဋကတ်သုံးပုံ ၊ တရားတော်တွေရဲ့ ကျယ်ပြန့်နက်နဲမှုကိုတော့ အလေးထားမပြောဘူး ။ ( အလကားပါကွာ ၊ သူတို့သင်တဲ့ အင်္ဂလိပ်စာက အေဘီစီဒီ ဒါလောက်ပါပဲ ) တဲ့ ။ ကမ္ဘာ့ဥာဏ်အကောင်းဆုံး မင်းကွန်းဆရာတော်ကြီး သိရင် ရင်နာရှာမယ် ။ ကျနော်သိတာပေါ့ ၊ သက်သက် အကြောင်းရှာထွက်တာ ။ အဲဒီကျောင်းတိုက်တွေက စည်းကမ်းကြီးပါ တယ် ။ သူ သောက်ချင်သလိုသောက်လို့ မရဘူးလေ ။
သူ ကျနော့်ကိုသံယောဇဉ်ကြီးတာတော့ နားလည်ပါတယ် ။ (ကျောင်းနေဖက်သူငယ်ချင်းတွေကိုး) ဒါပေမဲ့ ခုဟာက မသင့် တော်ဘူးလေ ။ ဘဝချင်းမတူတော့ဘူး ။ ဒါကို လူစိတ်ကြီးနဲ့ လူလို နေချင်သလိုနေ ၊သောက်ချင်သလိုသောက်၊ပြောချင်ရာ လျှောက်ပြောနေမယ်ဆိုရင် ရုံထားတဲ့ သင်္ကန်းတော်တွေရဲ့ အရှိန်အဝါကို ညှိုးနွမ်းစေမယ် ၊ အဖ ဘုရားရှင်ရဲ့ မြတ်သော သာသနာ ထိပါး၊ပုတ်ခတ် ခံရမယ် ။ (လူတို့စိုက်ပျိုးဖို့ ကုသိုလ်တရားတို့ရဲ့တည်ရာ လယ်ယာမြေကောင်းသဖွယ်ဖြစ်သော) ဆိုတဲ့ မြတ်သံဃာဂုဏ်ပုဒ်ကြီး ပျက်စီးရမယ် ။ ဒီအတွက် သံသရာမှာခံရမဲ့ အပြစ်ကြီးတွေကို မျှော်တွေးပြီး သနားလွန်းလို့ နည်းပေါင်းစုံနဲ့ (အကုသိုလ်အဖြစ်ခံ ၊ အမုန်းခံပြီး) သတိပေးခဲ့ပြီးပါပြီ ။ လူ့ဘဝတုန်းက သူဒီလိုအနေအထိုင်တွေကြောင့် ပေါင်းမဲ့သူငယ်ချင်းတောင် မရှိတော့ချိန်လဲ ကျနော်သူ့ကိုလက်ခံပေးခဲ့ ၊ အတူမျှဝေခံစားခဲ့ ၊ တတ်နိုင်သမျှ ကူညီခဲ့တယ် ။ ခု ရဟန်းဝါ(၇)ဝါ ကျော်လာချိန် သူငယ်ချင်း၊ဒကာရင်းဆိုသူတွေ ရှောင်ကုန်ကြပြီ ။ ( ဘယ်သူက တုံး၊အ ပြီး အကုသိုလ် အဖြစ်ခံချင်မှာလဲလေ ) ။
အဲဒီတော့ ရှောင်မရတဲ့ ကျနော့်မှာပဲ အကုသိုလ်တွေဖြစ်ရတယ် ၊ ကြည်ညိုရမဲ့အစား ကရုဏာ ဒေါသတွေ (တခါတရံသူ့ရဲ့လူဆန်ဆန်အပြုအမူတွေကြောင့်) လူလိုဒေါသတွေပါ ဖြစ်ရတယ် ။ ခုလဲ ကြည့်လေ - ကျနော့်သားကိုဆုံးမတယ်ဆိုပြီး - ( ငါ့သားက ဆယ်တန်းမှာ အမှတ်(၄၈၀)ရတာကွ ၊ မင်းကတော့ ဘာညာ - - -) ဆိုတော့ - ကျနော် လူလိုဒေါသဖြစ်ရတယ် ။ သားလေးခမျာ ကြိုးစားမှုနဲခဲ့လို့ ဂုဏ်ထူးမထွက် ၊ အမှတ်နဲပြီး တက္ကသိုလ် မတက်နိုင်လို့ အားငယ်ဝမ်းနဲနေချိန် ၊ မိဘတွေကတောင် မဆူရက်တော့လို့ အားပေးနေရချိန် ကိုယ်တော်က မူးမူးနဲ့ ဒီလိုတွေလျှောက်ပြောတော့ - ကျနော် စိတ်ထိန်းပြီး တခွန်းပဲ မေးလိုက်ပါတယ် ။
( ဘုန်းကြီးမှာ သားရှိလို့လား ) လို့ ။
ကျနော်ပြောတာမှားလားဗျာ - ( ရတနာသုံးပါကို အသက်နဲ့ရင်းပြီးကြည်ညိုပါတယ် ၊ ဒါပေမဲ့ ဒီလိုဘုန်းကြီးမျိုးအတွက် တော့ အသက်ပေးရမှာ မတန်လိုက်တာ ) လို့ တွေးမိတယ် ၊ ကဲ - ကျနော်မှားလားဗျာ ။
No comments:
Post a Comment