၁
။ တခုတည်းသော လွတ်မြောက်ခြင်းတရား ၊
ဝိမုတ္တိရသ (၀ါ) နိဗ္ဗာန် ။
မြတ်ဗုဒ္ဓဟာ နိကာယ်ငါးရပ်
ပိဋကတ်သုံးပုံ ဓမ္မက္ခန္ဓာပေါင်းရှစ်သောင်းလေးထောင် မျှ အတိုင်းအရှည်ရှိတဲ့ တရားတွေကို
၄၅၀ါပတ်လုံး ကမ္ဘာသူကမ္ဘာသားအားလုံးကို ဟောကြားခဲ့ပေမဲ့ အဲဒီတရားအားလုံးရဲ့
တခုတည်းသောအနှစ်သာရ ၊ ဗုဒ္ဓ မြတ်စွာ ရည်ညွှန်းတဲ့ တခုတည်းသော ထွက်ပေါက်
အဖြေကြီးကတော့ အလုံးစုံသောသင်္ခါရတရားတို့မှ လွတ်မြောက်ရာ ၊
ဖြစ်ခြင်း၊ပျက်ခြင်းတို့မှ ကင်းရာ၊ကုန်ရာ၊ချုပ်ရာ၊ငြိမ်းရာ ၀ိမုတ္တိရသ ၊ သန္တိသုခ ၊
မြတ်နိဗ္ဗာန်ကြီးပဲဖြစ်ပါတယ် ။ ဒါကြောင့်မို့ ဘုရားကိုတကယ်ကြည်ညိုရင် ဘုရားစကားကို
တကယ်နားထောင်ရပါမယ် ။ မိမိအလှုပေးနေတာ နံမည်ကြီးဖို့ ၊ နောက် ဘ၀ ကောင်းစားဖို့
ဒီလိုရည်ရွယ်ချက်တွေအစား နိဗ္ဗာန ပစ္စယော ဟောတု နိဗ္ဗာန်ရောက်ကြောင်း အထောက်အပံ့ဖြစ်ပါစေ
လို့ ဒီလို နိဗ္ဗာန်တခုတည်းကို ရည်ညွှန်းမှသာ ဘုရားစကားနားထောင်ရာရောက်ပါမယ် ။
သားတော်ရာဟုလာ အမွေ သွား တောင်းတော့ ဘုရားဟာ လောကစည်းစိမ်အမွေကို တပြားတချပ်မှမပေး
၊ လောကုတ္တရာ နိဗ္ဗာန်အမွေကိုပဲ ပေးခဲ့တာကို ထောက်ပြီး သားတော်ရာဟုလာလိုပဲ
ဘုရားစကားကို နားထောင်သင့်ပါကြောင်း ဗုဒ္ဓဘာသာဝင်/ဗုဒ္ဓဘာသာကိုလေ့လာ နေကြသော
လူကောင်း၊သူကောင်းအပေါင်းတို့ ခင်ဗျာ ။
၂ ။ ရုပ်၊နာမ်
တရားနှစ်ပါး ။ (တနည်း) ဖြစ်/ပျက် တရားနှစ်ပါး ။
ကျနော်တို့နေထိုင်တဲ့
သတ္တ၀ါလောကကြီးနဲ့ ကမ္ဘာလောကကြီးကို ကြည့်လိုက်ရင် အပြုခံ ရုပ် တရားနဲ့ ပြုလုပ်သူ
(စိတ်) နာမ်တရား ဒီနှစ်ပါးပဲ ဒွန်တွဲတည်ရှိနေတာ တွေ့ရပါလိမ့်မယ် ။ အကျယ်ချဲ့လျှင်
ကျမ်းတစောင်မျှဖြစ်သွားဖွယ်ရှိလို့ အများ သိသာရုံ ပြောပါမည် ။ သင်တို့ရှိ
မျက်လုံးဟူသောရုပ်ကြီးက ကြည့်ချင်တယ်၊ကြည့်မယ် ဟူသော စိတ်တရားပြုပြင်ပေးမှု ဖြင့်
ကြည့်ခြင်း မြင်ခြင်းဖြစ်ရသည်ကို သေချာစဉ်းစားကြည့်ပါလေ ။
တဖန်
စဉ်ဆက်မပြတ်ပြုပြင်ပြောင်းလဲနေခြင်း ဟူသော သင်္ခါရလောကကြီးကိုကြည့်ပါကလဲ
ဖြစ်ခြင်း(အကြောင်းစုံမှ ထ ဖြစ်လာခြင်း)တရားနဲ့ ပျက်ခြင်း(အကြောင်းကုန်သည်နှင့်
ချက်ခြင်းပျောက်ပျက်သွားခြင်း)တရား ၊ ဒီနှစ်ပါးပဲ အလှည့်ကျ ဖြစ်ပျက်နေကြတာ
အသေအချာကြည့်ရင် သိနိုင်ပါတယ် ။လွယ်လွယ်လေးဥပမာပေးပါ့မယ် ။ ခင်ဗျားအသက်ရှုတာ ဖြစ်
လာပြီး ပျက်မသွားဘူးဆိုရင် ခင်ဗျား တသက်မှာ အသက်တခါရှုရုံနဲ့ လုံလောက်မှာပေါ့ ။
ဒီလိုမဟုတ်လို့ အကြိမ်ကြိမ်ဖြစ် ၊ အကြိမ်ကြိမ်ပျက်နေလို့ ခင်ဗျား မနားတမ်း
အသက်ရှုပေးနေရတာပေါ့ ။
၃ ။ အမြတ်ဆုံးရတနာသုံးပါး ၊ ဘုရားရတနာ ၊
တရားရတနာ ၊ သံဃာရတနာ ။
ဗုဒ္ဓမြတ်စွာဘုရားရှင်
ပွင့်ထွန်းပေါ်တော်မူခဲ့လို့ ဖြစ်ပျက်သံသရာထဲ တ၀ဲလည်လည် ထွက်ပေါက်မရှိ
ပိတ်မိနေကြတဲ့ ကျနော်တို့ လူ၊သတ္တ၀ါတွေ လွတ်မြောက်ရာကို သိခွင့်ရကြတာပါ ။
ဗုဒ္ဓဟောကြားတော်မူခဲ့တဲ့ တရားတော်တွေကို လေ့လာ၊သုံးသပ်၊ပွားများအားထုတ်နိုင်ကြလို့
သံသရာဝဋ်ဆင်းရဲအပေါင်းက လွတ်မြောက်ဖို့အရေး မျှော်လင့်ချက်ရှိ လာကြတာပါ ။
ဒီတရားတော်တွေကို
ဗုဒ္ဓပရိနိဗ္ဗာန်ပြုပြီးမရှိတော့တာနှစ်ပေါင်းနှစ်ထောင့်ငါးရာကျော်ကြာပြီးတာတောင်
မပျောက်ပျက်ရလေအောင် တနပ်တည်းသောဆွမ်းကိုစား ၊ ၂၂၇သွယ်သောသိက္ခာပုဒ်တွေကိုစောင့်ထိန်းရင်း
ပင်ပမ်းကြီး စွာ စောင့်ရှောက်လာတဲ့ သံဃာတော်တွေမရှိရင် ကျနော်တို့တွေ
တရားမသိ၊မှောင်အတိကျနေဦးမှာပါ ။ ဒီလောက် ကျေးဇူးကြီးလှတဲ့ ဘုရား၊တရား၊သံဃာကို
အမြတ်ဆုံးရတနာအဖြစ် (ဗုဒ္ဓသရဏံ၊ဓမ္မံသရဏံ၊သံဃံသရဏံ)ဂစ္ဆာမိ ခဲ့ကြတဲ့
ကျနော်တို့ဗုဒ္ဓဘာသာ မြန်မာနိုင်ငံမှာ နှစ်စဉ်ငွေကျပ်သန်းချီအကုန်ခံပြီး
တောင်ပြုံးပွဲကြီးကျင်းပ ဂစ္ဆာမိ လွဲနေကြတာက တော့ အရပ်ရပ် ကမ္ဘာပေါ်
ကြားလို့မတော်ပါဘူး ၊ ကြည့်လုပ်ကြပါဦးအရပ်ကတို့ရေ ။
၎ ။ သစ္စာလေးပါးမြတ်တရား ၊ ဒုက္ခသစ္စာ ၊
သမုဒယသစ္စာ ၊ နိဂြောဓသစ္စာ ၊ မဂ္ဂသစ္စာ ။
ဂေါတမဗုဒ္ဓဟာ သဗ္ဗညုတမြတ်စွာဘုရားရှင်
အဖြစ်ကိုရပြီးတဲ့နောက် ပထမဦးဆုံး တရားဦးဓမ္မစကြာအဖြစ် ကမ္ဘာလောက ကို
ဦးစွာသိစေခဲ့တဲ့တရားကတော့ သစ္စာလေးပါး အမြတ်ဆုံးတရားပါပဲ ။ ဘုရားရှင်ကိုယ်တိုင်
ဝန်ခံတော်မူခဲ့တာက ဒီတရားလေးပါးကို ဟုတ်တိုင်းမှန်စွာ မသိခင်တုန်းက
အကျင့်လွဲ၊အယူလွဲတွေနဲ့ ငါကိုယ်တိုင်မှားခဲ့သေးတယ် ။ ဒီတရား လေးပါး ငါ့ဥာဏ်မှာ
ဟုတ်တိုင်းမှန်စွာ ထင်ရှားဖြစ်ပေါ်လာတော့မှ ဘုရားအဖြစ်ကို ရရှိပေတယ်လို့
ဝန်ခံတော်မူခဲ့ပါတယ် ။
မကျဉ်းမကျယ် အနည်းငယ်ရှင်းပါရစေ ။
ဒုက္ခသစ္စာ - ဇာတိပိဒုက္ခာ တဲ့ ။
အများစုမြင်လိုက်ကြတာက ဇာတိ မွေးဖွားခြင်းဒုက္ခ ဒီလိုဖြစ်နေတယ် ။ ဗုဒ္ဓဘုရားရှင်
မြင်တော်မူတဲ့ ၊ အရိယာဖြစ်ပြီးသူတွေမြင်လိုက်ကြတဲ့ ဒုက္ခအရိယာသစ္စာက ဇာတိ
အဖန်တလဲလဲဖြစ်ခြင်း ဒုက္ခပါပဲ ။ ဘာကြောင့် ဖြစ်ခြင်းကို ဒုက္ခလို့ခေါ်လဲ ၊
ဖြစ်ခြင်းမှန်သမျှပျက်ရလို့ ဒုက္ခလို့ခေါ်တာပါ ။ ဒါကို သေချာ ဝေဖန်ပိုင်းခြား
သိရမှာမို့ ပရိညေယျတဗ္ဗ ပိုင်းခြားသိအပ်သောတရားလို့ ခေါ်တာပါ ။ ကျနော်တို့
တနေ့အနည်းဆုံး ထမင်းနှစ်နပ်စား နေရတယ်ဗျာ ။ နေ့တိုင်း ၊ အဲဒီအတွက်ရှာလိုက်ရတာ
မောလို့ ။ ဘာလို့ တခါစားပြီး မပြီးရတာလဲ ။ စားသမျှခဏခံ ၊ ပြန်ပျက် ချီးဖြစ်
ပစ်လိုက်ရတာပဲမို့ အကြိမ်ကြိမ်စားနေရတာ ။ ဒါ နေ့စဉ်ကြုံတွေ့မှုမှာ ဒုက္ခတန်းလန်းကြီးပါနေတယ်
ဆိုတာ သိစေချင်လို့ ဘုရားရှင်က ဇာတိပိဒုက္ခာကို သေချာဝေဖန်ပိုင်းခြားသိကြပါလို့
အဦးဆုံးထားဟောပါတယ် ။
သမုဒယသစ္စာ - ဒုက္ခဖြစ်ကြောင်းတရားတဲ့ ။
ကျနော်တို့ ဘ၀ကိုခင်တွယ်လို့ မသေအောင် ထမင်းအကြိမ်ကြိမ်စားနေရ တာ ဒီထက်ရှင်းတာ
မရှိတော့ပါဘူးနော် ။ ဒါကြောင့် ဒုက္ခဖြစ်စေတဲ့ လိုချင်မှု သမုဒယ၊လောဘ၊တဏှာကို ပဟာတဗ္ဗ
ပယ်အပ်၊သတ်အပ်သောတရားလို့ ဘုရားရှင်ထောက်ပြခဲ့ပါတယ် ။
နိဂြောဓ(နိရောဓ)သစ္စာ -
ဒုက္ခလွတ်ရာလွတ်ကြောင်း၊ဒုက္ခချုပ်ငြိမ်းရာအမှန် နိဗ္ဗာန်တရားပါတဲ့ ။
ဖြစ်ခြင်းတွေရှိနေမှတော့ ဖြစ်ခြင်းတွေချုပ်ငြိမ်းနေတာလဲရှိရမှာပေါ့ ၊ မြတ်စွာဘုရားက
ဒီလိုဖောက်ထွက်စဉ်းစားပြီး ချုပ်ငြိမ်းရာအမှန် နိရောဓသစ္စာ နိဗ္ဗာန်တရားကို
သစ္ဆိကာတဗ္ဗ မျက်မှောက်ပြုအပ်သောတရားအဖြစ် သတ္တ၀ါတွေကို ထွက်ပေါက်ဖွင့်ပေးခဲ့ပါပြီ ။
မဂ္ဂသစ္စာ - ဒုက္ခငြိမ်းရာငြိမ်းကြောင်း
အကျင့်တရားပါတဲ့ ။ အင်္ဂါရှစ်ပါးရှိတဲ့ ဒီအကျင့်တရား မဂ္ဂသစ္စာဟာ ဘာဝေတဗ္ဗ
ပွားများအပ်တဲ့ တရားပါ ။ ဒီအကျင့်ကိုနေ့စဉ်ပွားများရွက်ဆောင်မယ်ဆိုရင်
ဒုက္ခတွေဧကန်ငြိမ်းစေမယ်လို့ ဗုဒ္ဓမြတ်စွာ အာမခံတော်မူခဲ့ပါတယ် ။
မှန်သောအမြင်(သမ္မာဒိဌိ)ကိုအခြေခံလို့ မှန်စွာတွေးကြံခြင်း ၊ မှန်စွာပြောဆိုခြင်း ၊
မှန်စွာ အသက်မွေးခြင်း ၊ မှန်စွာလုပ်ကိုင်ဆောင်ရွက်ခြင်း ၊
မှန်သောအားထုတ်မှုရှိခြင်း ၊ မှန်သောအောက်မေ့သတိရှိခြင်း ၊
မှန်သောတည်ကြည်စူးစိုက်မှုရှိခြင်း ၊ ဆိုတဲ့ အင်္ဂါရှစ်ပါးစုံတဲ့
အရိယာမဂ္ဂင်ရှစ်ပါးကိုသာ ပွားများအပ်တယ်လို့ ဗုဒ္ဓမြတ်စွာ ဟောကြားတော်မူခဲ့ပါတယ် ။
အားတက်စရာကောင်းတဲ့အချက်ကတော့
ဒုက္ခအရိယသစ္စာကို သေချာဝေဖန်ပိုင်းခြားပြီး သိ လိုက်ပြီဆိုတာနဲ့တပြိုင်နက်
သိ၊ပယ်၊ဆိုက်၊ပွား သစ္စာလေးပါးအစုံ တပါတည်း မိမိဥာဏ်မှာ ပွင့်လင်းစွာပေါ်လာနိုင်လို့
အခါမလင့်အကျိုးပေးတဲ့ ဒီ လေးပါးသစ္စာတရားကို ဒုက္ခကစ ပိုင်းခြားသိနိုင်ကြပါစေကြောင်း
ဆုတောင်းလိုက်ရပါတယ် ။
(
ဝီမံသာ )
