ဒီနေ့ ဘုရားရှိခိုး၊မဟာပဌာန်းနိဒ္ဒေသပူဇော်ပြီးတော့
(မဂ္ဂပစ္စယ)ကို ဘာသာပြန်မယ်လို့စိတ်ကူးရတယ် ။
ဒါပေမဲ့ ကိုယ်ကအရိယာမဖြစ်သေးဘူးဆိုတာ
သေချာသလောက်ရှိနေတော့ ကိုယ်တိုင်မသိပဲရေးရင် ဒေသနာတော် နဲ့ ညှိတာကောင်းမယ် ဆိုပြီး
ထန်းတပင်သာသနာပိုင်ဆရာတော်ကြီး အရှင်နန္ဒမေဓာ ပြုစုတဲ့ ပဌာန်းအရကောက်ကျမ်းက မဂ္ဂပစ္စယ
နိဒ္ဒေသ အဖွင့်ကို ဖတ်ကြည့်တယ် ။ ဒီတော့မှ အထိတ်တလန့်ဖြစ်သွားရတယ် ။ ကျနော့်ဥာဏ်လေး
တထွာ တမိုက်နဲ့ မဂ်(၄)ပါး၊ဖိုလ်(၄)ပါး၊ နိဗ္ဗာန် ဆိုတဲ့ လောကုတ္တရာတရား(၉)ပါးရဲ့ အဓိပ္ပါယ်အတိမ်အနက်ကို
ထိုးထွင်းသိဖို့ဝေးစွ ၊ စာသိနဲ့သိဖို့တောင် အင်မတန် ခက်ခဲလွန်းနေတာ တွေ့လိုက်ရတော့
ဒီနေ့ မဂ္ဂပစ္စယ ဘာသာပြန်ဖို့ကို လက်လျှော့လိုက် ရပါတယ် ။ ကိုယ့်ကိုယ်ကိုလဲ ဒီလိုတွေးနေမိပါတယ်
။
( သြော်
- ငါက ဘုရားရှင်ကို နီးနီးကပ်ကပ်သိဖို့အသာထား ၊ ဘုရားရှင်ရှိရာ အိမ်ပေါက်ဝမှာ ပြူတစ်ပြူတစ်နဲ့
အိမ်ထဲ ခြေတလှမ်းလှမ်းလိုက် ၊ မဝံ့မရဲနဲ့ နောက်ပြန်ဆုတ်လိုက်နဲ့ အိမ်ဝကနေ မှန်အလုံကာထားတဲ့
ဘုရားကျောင်းဆောင်တော် ကို ငေးမျှော်ကြည့်နေနိူင်ရုံ အဆင့်လေးပဲ ရှိပါသေးလား ) လို့
တွေးနေမိပါတယ် ။ ဒါပေမဲ့ ဒီလိုငေးမျှော်ကြည့်နေရတာ နဲ့တောင် ရင်ထဲမှာ မြတ်စွာဘုရားရှင်ကိုယ်တော်မြတ်ကြီးရဲ့
ဘုန်းတော်အနန္တ ၊ ဥာဏ်တော်အနန္တ တွေကို မှန်းဆပြီး ကြည်ညိုလိုက်တာလေ ။ ပီတိတွေ ရင်မှာတလှပ်လှပ်နဲ့ပေါ့
။ ဒါကြောင့် ဒီစာကိုရေးလိုက်ရတာပါ ။
( တရားကိုသိမှ
ဘုရားကိုသိမယ် )တဲ့ ။ တရားကို တဖြေးဖြေးပိုသိလာလေ တရားရှင် မြတ်စွာဘုရားကို ပိုကြည်ညိုလေ
ဖြစ်လာပါတယ် ။ ကျနော်တို့သာမာန်ပုထုဇဉ်တွေ အိမ်ပေါက်ဝက ချောင်းကြည့်ရသလို အနေမျိုးမှာတောင်
ဘုရားကို ကြည်ညိုစိတ်က တဖွားဖွားဖြစ်နေရသေးတယ်ဆိုရင် တရားတော်တွေကို ဆောင်ယူ၊လေ့လာ၊ရင်းနှီးနေကြတဲ့
ပရိယတ္တိ ဝန်ဆောင်ဆရာတော်ကြီးတွေ ၊ တရားတော်ကို ကိုယ်တိုင်ကျင့်ကြံအားထုတ်ပွားများနေကြတဲ့
ပဋိပတ္တိဝန်ဆောင် ဆရာတော်ကြီးတွေ ၊ အရိယာပုဂ္ဂိုလ်ကြီးတွေဆို ဘုရားရှင်ကို ဘယ်လောက်များကြည်ညိုလိုက်မလဲဆိုတာ
မှန်းဆလို့ တောင် မရနိုင်ပါဘူးနော် ။ ဘုရားရှင်လက်ထက်တော်က ပုထုဇဉ်ရဟန်းတပါးဟာ မြတ်စွာဘုရားရဲ့
ကျက်သရေရှိလှတဲ့ မျက်နှာတော်ကို ဖူးမျှော်ရင်း ကြည်ညိုလွန်းလို့ တစိမ့်စိမ့်ကြည့်မဝ
ဖြစ်နေရဖူးပါသတဲ့ ။ ဘုရားက သိတော့ - ( ချစ်သား ရဟန်းလေး ၊ ငါဘုရားမျက်နှာတော်ကို တနေကုန်ထိုင်ဖူးမျှော်နေရုံမျှနဲ့
ငါဘုရားကို ကြည်ညိုသည် မမည်သေး ။ ငါဘုရား ဟောကြားသော တရားတော်တို့ကို နားလည်သိရှိပြီး
ကျင့်ကြံအားထုတ်နေမှသာ ငါဘုရားကိုကြည်ညိုသည် မည်တယ် ) လို့ ဆုံးမတော်မူပါတယ် ။ ဘုရားစကား
နားထောင်မှ ဘုရားကိုကြည်ညိုရာရောက်မယ် ဆိုတဲ့အဓိပ္ပါယ်ပါ ။
ဒါကြောင့်မို့
ကျနော်စောစောကပေးခဲ့တဲ့ အိမ်ပေါက်ဝ ဥပမာလေးကို ချဲ့ထွင်ရှင်းပြချင်လို့ ဒီစာဖြစ်လာတာပါ
။
လောကမှာ လူဟာ ( ငါစားရသလို သူလဲစားရပါစေ ၊ ငါ့လို
သူလဲအဆင်ပြေပါစေ ) ဆိုတဲ့ စေတနာနဲ့ သူတပါး ( လူ ၊ သတ္တဝါ ) တွေကို ပေးကမ်းစွန့်ကြဲ လှုဒါန်းတယ်
၊ ကူညီစောင့်ရှောက်တယ် ။ ကျေးဇူးရှိသူတွေကို ကျေးဇူးတင်စိတ်နဲ့ ၊ ဂုဏ်မြတ်သူတွေကို
ကြည်ညိုစိတ်နဲ့ လှုဒါန်း၊ပူဇော်တယ် ။ ဒီလို ဒါနအမှုကို ပြုပြီဆိုရင် သူဟာ ဘုရားရှင်ရှိရာ
လမ်းဝကို ရောက်ပါပြီ ။ ဒီအဆင့်ရောက်ဖို့တောင် ဘယ်လောက်ခက်ခဲသလဲ စဉ်းစားကြည့်ပါနော်
။ ဘဝသံသရာတလျောက်မှာ အပါယ်(၄)ဘုံ နဲ့ ပစ္စန္ဒရာဇ်အရပ်(သာသနာပ) စတဲ့ တောတောင်လျှိုမြောင်၊ချောက်ကမ်းပါးအသွယ်သွယ်ကိုဖြတ်ပြီးမှ
လူအဖြစ်ကိုရ ၊ လူအဖြစ်နဲ့ ပေးကမ်းစွန့်ကြဲတဲ့ ဒါန(အလောဘ)ကုသိုလ်ပြုနိုင်ဖို့ဆိုတာ အတော်ခက်ခဲပါတယ်
။
တခါ - ဘုရားရှင်ရှိရာ
လမ်းထိပ်တော့ရောက်ပါရဲ့ ၊ ဘုရား၊တရား၊သံဃာ ရတနာ(၃)ပါးကို အမြတ်ဆုံးသော ကိုးကွယ်ရာ အဖြစ်
မယူဆနိုင်ပဲ ကျော်ခွသွားကြမယ်ဆိုရင်လဲ ဒီလမ်းထဲမဝင်လို့ ဘုရားနဲ့ ဝေးနေဦးမှာပါပဲ ။
လမ်းပျောက်ရင် သံသရာ ချောက်ကြီးတွေကလဲ ကြောက်စရာပါနော် ။ ဒီတော့ ရတနာ(၃)ပါးကို ကိုးကွယ်အားထားရာအဖြစ်
ရိုသေလေးမြတ်စွာ ပူဇော်ပါ၏ လို့ (သရဏဂုံ)တည်မှ ဘုရားရှင်ရှိရာလမ်းထဲကို ဝင်လာပြီလို့
ဆိုနိုင်ပါတယ် ။ မိရိုးဖလာဗုဒ္ဓဘာသာလေးတွေ ဒီစာကိုသေချာဖတ်ပါနော် ။ ဘုရားရှင်ရှိရာလမ်းထဲရောက်နေပြီးမှ
ဟိုယောင်ယောင်၊ဒီယောင်ယောင်နဲ့ ပြန်ထွက်သွား ၊ ကျော်ခွမသွားကြပါနဲ့ ။ လမ်းပျောက်ရင်
သံသရာချောက်ကြီး၊တောရိုင်းကြီးတွေက ပြန်မလာနိုင်လောက်အောင် ထူထပ် လွန်းလို့ပါ ။
ဘုရားရှင်ရဲ့
လမ်းထဲကိုတော့ရောက်ပါပြီ ။ ဒါပေမဲ့ ဘုရားရှင်ချမှတ်ပေးတော်မူတဲ့ လောကလူသားတွေ လိုက်နာကျင့်သုံး
ရမဲ့ အခြေခံလူ့စည်းမျဉ်း၊စည်းကမ်း လူ့ကျင့်ဝတ်တွေဖြစ်တဲ့ ငါးပါးသီလ အစရှိတဲ့ (သီလ)ကို
မဆောက်တည်၊မကျင့်သုံး မထိန်းသိမ်းနိုင်ရင် ကာမဘုံသားတို့အတွက် မာယာလမ်းသွယ်လမ်းမြှောင်တွေက
ဘုရားရှင်ရှိရာအိမ်၊ခြံဝင်းနဲ့ လွဲအောင် ချောက်ထဲကိုတွန်းချဖို့ အဆင်သင့်ရှိနေလို့
ဘုရားနဲ့ဝေးနိုင်ပါသေးတယ် ။ မိမိတို့တတ်စွမ်းနိုင်သလောက် အခြေခံဝတ္တရား လူ့ကျင့်ဝတ်
၊ ကိုယ်ကျင့်တရား သီလဆောက်တည်နိုင်မှသာ မြတ်စွာဘုရားရှင်ရှိရာ အိမ်ခြံဝင်းပေါက်ဝကို
ရောက်ပြီလို့ ဆိုနိုင်ပါတယ် ။
မြတ်စွာဘုရားရှင်ဟာ
ကိလေသာတို့မှကင်းဝေးတော်မူသော (အရဟံ) ဂုဏ်တော်ရှင်ဖြစ်လို့ အတိုင်းအဆမရှိအောင် ငြိမ်းအေးတော်မူပါတယ်
။ ဒီလိုငြိမ်းအေးတော်မူရာ မြတ်စွာဘုရားရှင်အိမ်ဂေဟာထဲကို ကိလေသာအပူမီး အလျှံတငြီးငြီး
တောက်လောင်လျက်နဲ့ မဝင်နိုင်ပါဘူး ။ ဒါကြောင့်မို့ ကိလေသာအပူတွေ တဒင်္ဂဖြစ်ဖြစ် ကင်းစေမဲ့
တရားဘာဝနာ ပွားများ အားထုတ်ခြင်းဖြင့်သာ ဝင်နိုင်မှာဖြစ်ပါတယ် ။ ကိလေသာ ဆိုတာ အကျဉ်းအားဖြင့်
လောဘ၊ဒေါသ၊မောဟ ၊ (၃)ပါး အကျယ်အားဖြင့် (၁၅၀၀) ရှိပါတယ် ။ (၁၅၀၀)မေတ္တာနွံနစ် ဆိုတဲ့
စာသားလို လင်ချစ်၊မယားချစ်၊သားချစ်၊သမီးချစ်တွေ ဟာလဲ ကိလေသာတွေပါပဲ ။ ခြံထဲရောက်မှ
(၁၅၀၀)နွံနစ်ပြီး အိမ်ထဲမဝင်နိုင်ဖြစ်မှာစိုးလို့ အမြဲမဟုတ်တောင် တဒင်္ဂ ကိလေသာငြိမ်းစေတဲ့
ဘာဝနာရေနဲ့ အပူမီးတွေငြိမ်းပြီးမှ ဘုရားရှင်ရှိရာ အိမ်တော်မင်္ဂလာဆီ ဝင်နိုင်မှာဖြစ်ပါတယ်
။
ကျနော်တို့လို
အတော်များများဟာ အိမ်ပေါက်ဝရောက်မှ ပြူတစ်ပြူတစ်နဲ့ ခြေတလှမ်းဝင်လိုက် ၊ မဝံ့မရဲနဲ့
နောက်ပြန် ဆုတ်လိုက် တလည်လည်ဖြစ်နေရတာဟာ သမထ သက်သက်ကနေ မတက်နိုင်ကြလို့ဖြစ်ပါတယ် ။
ဘာဝနာပွားရာမှာ သမထဘာဝနာ(အာရုံကသိုဏ်းတခုထဲကို တည်နေအောင်စူးစိုက်ရှုပွားခြင်း) ၊ သမထဝိပဿနာဘာဝနာ(သမာဓိရပြီးမှ
ဒေသနာတော်ကိုဆင်ခြင်သုံးသပ်ရင်း ကိလေသာအပြီးငြိမ်းဖို့ရည်ရွယ်အားထုတ်ခြင်း) ၊ ဝိပဿနာဘာဝနာ
(ဖြစ်၊ပျက်) သဘာဝကိုမြင်ပြီး ဒုက္ခအရိယသစ္စာကိုပိုင်းခြားသိမြင်အောင်ရည်ရွယ်လျက် တဒင်္ဂသမာဓိဖြင့်
မဂ်ဥာဏ်အဆင့်ဆင့် ဖြစ်ပေါ်အောင် ဆင်ခြင်သုံးသပ်အားထုတ်ခြင်း) လို့ (၃)မျိုးရှိပါတယ်
။ ပညာပါရမီအားနဲနေသေးချိန်မှာ ကမ္မဌာန်း(၁၀)ပါး ဗုဒ္ဓါနုဿတိ ၊အာနာပါနဿတိ စသည့် သမထဘာဝနာဖြင့်
ကိလေသာတွေ တဒင်္ဂငြိမ်းအေးလေ့ရှိတဲ့ အလေ့အထကို ထူထောင်ရပါတယ် ။ ငြိမ်းအေးတဲ့စိတ်ဟာ ကြည်လင်ပြီး
ဥာဏ်ပညာထက်မြက်စေပါတယ် ။ ဒါပေမဲ့ သမထဘာဝနာဟာ လောကထဲကလွန်မြောက်စေတဲ့ မဂ်ဥာဏ်ရကြောင်းမဟုတ်တဲ့အတွက်
အိမ်ပေါက်ဝကနေ ဝင်လိုက်၊ထွက်လိုက်ဖြစ်သလို သံသရာလည်နိုင်ပါသေးတယ် ။
ပညာပါရမီအခံရှိပြီး
ဝီရိယအားကောင်းသူတွေအတွက် သမထဝိပဿနာဘာဝနာ ပွားများအားထုတ်ပြီဆိုတာနဲ့ ဘုရားရှင် အိမ်ထဲကိုရောက်ပါပြီ
။ လောကီဥာဏ်စဉ်အဆင့်ဆင့်တက်လို့ သင်္ခါရုပေက္ခာဥာဏ်ကို ရောက်ပြီဆိုတာနဲ့ လောကုတ္တရာ ဟိုဖက်ကမ်းကို
ရေးရေးလေး လှမ်းမြင်ရပါပြီ ။ ဘုရားကျောင်းဆောင်ထဲကို ရောက်ပါပြီ ။ လောကမှလွန်မြောက်ပြီးသော
၊ ဘဝဒုက္ခအပေါင်းမှ လွတ်မြောက်ပြီးဖြစ်သော ၊ နိဗ္ဗာန်သို့ဝင်စံပြီးဖြစ်သော မြတ်စွာဘုရားရှင်ကိုယ်တော်မြတ်ကြီးထံမှ
သန္တိသုခ ငြိမ်းအေးခြင်းဓါတ်ကြီးရဲ့ အငွေ့အသက်ကို စတင်ခံစားနိုင်ပါပြီ ။ သမထဝိပဿနာဘာဝနာဖြစ်ဖြစ်
၊ ဝိပဿနာ ဘာဝနာသက်သက် ဖြစ်ဖြစ် နိဗ္ဗာန်ရောက်ကြောင်း ၊ မဂ်ဥာဏ်ဖြစ်ကြောင်းတရားတွေချည်းပဲမို့
ဘုရားနဲ့တွေ့နိုင်ပါပြီ ။ ဝိပဿနာဘာဝနာဆိုတာကတော့ တရားတပုဒ်ဆုံးတာနဲ့ အရိယာဖြစ်သွားနိုင်လောက်တဲ့
ပညာပါရမီအားကြီးသူတို့ရဲ့ အရာပါ ။ အရှင်ကောဏ္ဍည ၊ ရှင်သာရိပုတြာ ၊ အင်္ဂုလိမာလ ရဟန္တာမထေရ်မြတ်ကြီးတို့လိုပေါ့
။
ကိုယ့်ကိုယ်ကိုဖော်ခြင်းမဟုတ်ပါ
။ အားတက်ဖွယ်သတင်းစကားပေးခြင်းပါ ။ ကျနော် ငယ်စဉ်(၁၀)နှစ်သား ကိုရင်လေး ဘဝက ဥပဇ္ဈာယ်ဆရာတော်ကြီးရဲ့
သင်ကြားပြသမှုနဲ့ အာနာပါနဿတိ(ဝင်လေ၊ထွက်လေ)ကမ္မဌာန်း အားထုတ်ခဲ့ဖူးပါ တယ် ။ အဲဒီဘာဝနာအစွမ်းနဲ့
မွေးကတဲက (၁၀)နှစ်လုံး သေတွင်းထဲဆွဲချတဲ့အထိ ပြင်းထန်ဆိုးဝါးလှတဲ့ ရောဂါကြီးတွေ ဟာ
ကိုရင်ဝတ်ပြီးနောက်ပိုင်းကတဲက အကုန်ကင်းစင်လွင့်ပျောက်ခဲ့ဖူးပါတယ် ။ ဒါပေမဲ့ အထက်ဝိပဿနာဥာဏ်စဉ်တွေ
ဆီ သေချာ၊ပိုင်နိုင်အောင် မရောက်သေးလို့ ခုထိ
အိမ်ပေါက်ဝမှာ တလည်လည်ဖြစ်နေရတုန်း လို့လဲ ဝန်ခံပါတယ် ။ ဗုဒ္ဓ လမ်းစဉ်ကနေတော့ ဘယ်တော့မှသွေဖယ်သွားမှာမဟုတ်တော့ပါ
။ ကျနော် ဗုဒ္ဓဘုရားရှင်ကို ဖူးမြင်ခွင့်ရနေပါပြီ ။ လာခဲ့ပါ ၊ ပြန်လှည့်မသွားကြပါနဲ့
၊ ကျော်ခွမသွားကြပါနဲ့ ။ ဘုရားရှင်ကိုဖူးမြင်ခွင့်ရတဲ့အကျိုး ကြီးမားလွန်းလို့ ကိလေသာတွေ
ခဏ ခွာချပြီး အိမ်ပေါက်ဝအထိ အရောက်လှမ်းခဲ့ကြပါလို့ မိတ်ဆွေများကို ဖိတ်ခေါ်ပါရစေခင်ဗျာ
။
(
ဝီမံသာ )
၂၉-၉-၂၀၁၇
(3:05 PM)
