သားကြီးရေ
-
မင်းတောင်းဆိုတာတခုခုကို
အဖေမလိုက်လျောနိုင်တိုင်း လေသံမာ၊မျက်နှာနီတော့ သားက အဖေ စိတ်ဆိုးနေတယ် လို့ ထင်တယ်နော်
၊ တကယ်တော့ စိတ်ဆိုးတာမဟုတ်ပါဘူးသားရေ ။ သားလိုအင်ကို မဖြည့်ဆည်းပေးနိုင်လို့ စိတ်မကောင်း ဖြစ်နေ ၊ ရှက်နေမိတဲ့ ဖခင်တယောက်ရဲ့ခံစားချက်ကို
သား သိနိုင်မှာမဟုတ်ပါဘူးလေ ။
မင်းအတွက်
မင်း(၁၉)ရက်သားလေးမှာ ရှိတဲ့ဘွဲ့လက်မှတ်ကြီးအသာခေါက်သိမ်းပြီး မလေးရှားကို အလုပ်ကြမ်းသွားလုပ်
ခဲ့တာ ၊ တနှစ်လုံး မျက်ရည်ကိုမြိုချ ၊ သံဗုဒ္ဓေမပြတ် စိတ်မှာရွတ်ရင်း ခါးကျိုးတဲ့အထိ
အဖေကြိုးစားခဲ့တာ သားမသိနိုင်ပါ ဘူးလေ ။ အဖေက ပြန်လာတော့ သားလေးလန့်မှာစိုးလို့ တနှစ်လုံးမညှပ်ခဲ့တဲ့
ဆံပင်ရှည်ဘုတ်သိုက်ကြီးကို အိမ်မရောက် ခင် ကြိုညှပ် ၊ သပ်ရပ်အောင်ပြင်ခဲ့တာကိုး ။
ခုလို
အရာရှိဖြစ်ခါနီးမှာ အဖေ သားကိုမေးခဲ့ပါတယ် ၊ အပြင်စီးပွားရေးလုပ်ပြီး ငွေရွှင်တာကြိုက်သလား
၊ အဖေ့ပညာနဲ့ အညီ အရာရှိတယောက်ရဲ့သားအဖြစ်နေရတာ ကြိုက်သလား ၊ သားကိုရွေးချယ်ခွင့်ပေးခဲ့ပါတယ်
။ သားက AE သား ဖြစ်ရတာ ဂုဏ်ယူတယ်ပြောလို့ အဖေ ဒီဘဝကိုရွေးချယ်ခဲ့တာ သားသိမှာပါ ။
သူများအရာရှိတွေ
ကားတဝီဝီစီးလို့ သုံးနိုင်၊ဖြုံးနိုင်နေကြတာ သားကြည့်ငေးရင်း မျက်နှာငယ်နေရှာမှာ သိပါတယ်
။ အဖေ့ ကိုလဲ ညံ့ဖျင်းတဲ့အဖေအဖြစ် အထင်သေးကောင်းသေးနေမှာပါ ။ သူတို့ရှိတာ သူတို့အကြောင်းနဲ့သူတို့မို့
မပြောလိုပေမဲ့ တခုတော့ရှိပါတယ်သားရေ ၊ အဖေ ကားဝယ်နိုင်လောက်အောင် ၊ သားလိုချင်တာတွေ
ဝယ်ပေးနိုင်လောက်အောင် ၊ သား သွားချင်တဲ့နေရာတွေ လိုက်ပို့ပေးနိုင်လောက်အောင် အဖေ့
လစာနဲ့ မလုံလောက်ပါဘူးသားရေ ။ နိုင်ငံတော် ဆင်းရဲလို့ လစာမပေးနိုင်တာ အဖေ့ကိုအပြစ်မတင်လိုက်ပါနဲ့သားလေးရယ်
။
သားကပြောမယ်
- သူတို့လိုလုပ်စားပါလား လို့ ၊ သားရယ် - - - -
မသန့်ရှင်းတဲ့ငွေတွေ
သားကိုမပေးချင်တာ ၊ လိပ်ပြာသန့်စွာ သားကို စားစေချင်တာ နားလည်နိုင်ပါ့မလား ။ အဖေကလေ အဖေသေသွားတောင် ၊ နောင် နှစ်ပေါင်းများစွာ
ကြာတဲ့ထိ ၊ သား လူကြီးတယောက်ဖြစ်တဲ့အထိ သုံးလို့ရတဲ့ ၊ တန်ဖိုးမဖြတ်နိုင်တဲ့ ၊ မှန်ကန်တဲ့အမွေ
( ရိုးသားမှု နဲ့ ပညာ ) ကိုသာ သားကိုပေးခဲ့ချင်တာပါ ။
အခု
သားအလိုမပြည့်ပေမဲ့ ၊ အခု ဆင်းရဲနေပေမဲ့ ၊ တချိန်မှာ သားလူလားမြောက်လို့ မိမိတတ်တဲ့ပညာနဲ့
ရိုးသားစွာ လုပ်ကိုင် ကြီးပွားလာတဲ့တနေ့ကျရင်
အဖေ့စာကို နောက်တကြိမ်ပြန်ဖတ်ပါ ။ အဲဒီတော့မှ အပြည့်အဝနားလည်နိုင်မှာပါ သားကြီးရေ
။
(
သားရဲ့ အဖေ ) 21-11-2016 (12း55 PM)
(
ဝီမံသာ )
