(၄၉)နှစ် ပြည့်ခဲ့ပြီ

ဒီနေ့ (၄၉)နှစ် ပြည့်ခဲ့ပြီ ။ ပထမဦးဆုံး ( နေကောင်းလား မေမေ ) လို့ ဖုန်းဆက်မေးနိုင်လောက်အောင် - မေမေ အသက်ရှင် ကျန်းမာ နေပေးလို့ လောကကြီးကို ကျေးဇူးပါ ။ လောကကြီးထဲ ကျနော့်ရဲ့ ပထမ မျက်လုံး စဖွင့် တော့ ကြင်နာစွာငုံ့ကြည့်နေတာ သူမ(မေမေ)ပါ ။ ကျနော်လူဖြစ်ဖို့ သူ့ခမျာ သေလုမျောပါး ပင်ပမ်းခဲ့ရှာမယ် ။ ဒါပေမဲ့ ကျနော့်ကို ထွေးပိုက်ဖို့ သူမ အမြဲ အားရှိခဲ့တယ် ။ ဒါကြောင့် - - - - - ကျနော်လေ မွေးနေ့ရောက်တိုင်း  ( နေကောင်းလား မေမေ ) လို့ အမြဲမေးချင်ခဲ့တာပါ ။

(၄၉)နှစ် ဆိုတဲ့သက်တမ်းတလျောက်

- ဘ၀မှာ လက်ဖြန့်တောင်းခဲ့ရတာတွေ များလှသလို ၊ ကိုယ်က ပြန်လည် ပေးမျှရတာတွေလဲ ရှိခဲ့ပြီ ။

- ကိုယ်တောင်းစဉ်က အရနဲလှချည်ရဲ့လို့ မကျေနပ်စိတ်နဲ့ မွန်းကြပ်၊လေးလံခဲ့ဖူးပေမဲ့ ၊ ကိုယ်ပေးလိုက်လို့ သူတို့ စိတ်ချမ်းသာသွားတာ မြင်ရတော့လဲ ကြည်နူးစိတ်နဲ့ ပေါ့ပါး၊ပျော်ရွှင်မိခဲ့ပြန်ပေါ့ ။

- လိုချင်တာတွေ ၊ နာကျင်၊ဒေါသတွေ ၊ သိမ်ငယ်၊တက်ကြွမာနအမျိုးမျိုးတွေနဲ့ တုံလှုပ်စဉ်မှာ မရင့်ကျက်သေးတဲ့  ကိုယ့်ကိုယ်ကို အားမရ ၊ အနာဂါတ်အတွက် စိုးရိမ်နေခဲ့ရဖူးတယ် ။

- သိမြင်လာတာတွေ ၊ ယုံကြည်နိုင်လာတာတွေ ၊ ကျေးဇူးတင်၊ကြည်ညိုစိတ်တွေနဲ့ တည်ငြိမ်စဉ်အခိုက်မှာတော့ အနာဂါတ်ဆီက ငြိမ်းအေးမှု အလင်းပျပျတောင် လှမ်းမြင်ရတော့မလို ။

ဘယ်လိုပဲဖြစ်ဖြစ် ဘ၀တခု (၄၉)နှစ်ထိတော့ ရောက်လာခဲ့ပါပြီ ။ သေခြင်းတရားနဲ့ မကင်းနိုင်လို့ မွေးလာပြီဆိုမှ ဘ၀ရဲ့ ထိတွေ့နိုင်၊သိနိုင်သမျှသော ပစ္စုပ္ပန်အခိုက်လေးတွေကိုအားပြုလို့ လွတ်မြောက်ခြင်းတရားဆီ သွားနေ ရဦးမယ်လေ ။ အဲဒီတရား (နိဗ္ဗာန်)ဆီ သွားရာ သံသရာလမ်းမှာ (သင်္ချိုင်း)ပေါင်းများစွာ ဖြတ်ရဦးမှာ လို့လဲ ကျေနပ်စွာ သိမြင် လက်ခံနိုင်ခဲ့ပါပြီ ။

                                                          ( ၁၆-၄-၂၀၁၅ )

သိပ္ပံနည်းကျ ဗုဒ္ဓ အဘိဓမ္မာ (၃)

ရှေ့ဆက်ဖော်ပြမည့် မေးခွန်းနှင့်အဖြေတို့သည် သိပ္ပံပညာ၏ သုံးသပ်ဆင်ခြင်နိုင်စွမ်း ဘောင်ကို ကျော်လွန် သွားပြီ ဖြစ်၍ (စိတ်စွမ်းအားတိုးပွားစေသည့်အကျင့်) သမထဘာဝနာကို အဆင့်တခုထိပေါက်မြောက် အောင် အားထုတ်ထားသူ(သို့) သံသရာအဆက်ဆက်က အားထုတ်ခဲ့ဖူးသည် အလေ့အထုံတို့ကို ပြန်လည်မှတ်မိနိုင်သူတို့သာ နားလည်နိုင်မည့်ဈာန်အရာတို့ ဖြစ်ပါသည် ။ သေချာ နားကြီးကြီးစိုက် စဉ်းစားဆင်ခြင်ရင်း သံသရာအဆက်ဆက်က ဖြည့်ခဲ့ဖူးသော ပါရမီတွေ အထောက်အပံ့ရ အသိဥာဏ် ပွင့်လင်းခဲ့ပါလျှင် ရှင်းရကျိုးနပ်မည်ထင်ပါသည် ။
၈ ။ ( သေပြီးသည်နောက် ဖြစ်လည်းဖြစ်တယ်၊ မဖြစ်လည်းမဖြစ်လို.ရော အယူရှိပါသလား ) ၊                       ( အယူမရှိဘူး ဂစ္ဆ )  ။ သမထအစွမ်းဖြင့်ရသော ရူပဈာန်၊အရူပဈာန်တို့၏ အရာ ဖြစ်ပါသည် ။
၉ ။ ( ဒါဆို ဖြစ်တာလည်းမဟုတ်၊ မဖြစ်တာလည်းမဟုတ်လို.ရော အယူရှိပါသလား ) ၊                              ( အယူမရှိဘူး ဂစ္ဆ )  ။ နေ၀သညာ နာသညာ ယတန ဈာန်၏ အရာ ဖြစ်ပါသည် ။
၁၀ ။ အမေးအဖြေနှစ်ခုကိုပဲ သေချာအရင်စဉ်းစားစေချင်ပါသည် ။                                                       ( အရှင်ဂေါတမ အယူမရှိဘူးလို.ပဲ ဖြေနေပါလား၊ အဘယ်ကြောင့်ပါလဲ )
( ဒါတွေဟာ မိစ္ဆာဒိဋ္ဌိအယူတွေသာ ဖြစ်တယ် ၀စ္ဆ၊ လွတ်မြောက်ငြိမ်းချမ်းဖို.အတွက် မဖြစ်ဘူး၊ အယူဆိုတဲ့စကားကို ငါဘုရား ပယ်ထားပြီ၊ စွဲလမ်းမှုတွေ ထောင်လွှားမှုတွေ မရှိလို. လွတ်မြောက်နေသူဖြစ်တယ် ) အယူ၊အစွဲ ဟူသည် ဘ၀ကိုဖြစ်စေသည့် ပြင်းပြစွာဆုပ်ကိုင်ထားခြင်း (ဥပါဒါန်) သာဖြစ်လို့ ဘ၀ဒုက္ခလွတ်မြောက်ကြောင်းနှင့် ဆန့်ကျင်နေသည်ဟု ဆိုလိုရင်းပါ ။
သမထဘာဝနာဟူသည် အာရုံတခုတည်းကို စူးစိုက်၊စွဲမြဲနေအောင်လုပ်သောအကျင့် ဖြစ်ပါသည် ။ တနည်းအားဖြင့် အတ္တ အယူအောက်က လုပ်နေသောအကျင့်သာဖြစ်လို့ ဗုဒ္ဓမြတ်စွာက ဒီအယူတွေ ဟာ မိစ္ဆာဒိဌိအယူတွေသာ ဖြစ်တယ် ဟု ပြတ်သားစွာ ရှင်းခဲ့ခြင်းဖြစ်ပါသည် ။ သမထအစွမ်းဖြင့် ရူပဈာန်ကိုရလျှင် ရူပဗြဟ္မာဘုံတွင် ဖြစ်မည် ၊ ထိုဘုံတွင် နာမ်တရား(၄)ပါး မဖြစ် ၊ ရုပ်သာဖြစ်၏ ။ ထို့အတူပင် အရူပဈာန်ကြောင့် အရူပဗြဟ္မာဘုံ - - - - စသည်တို့တွင်သာ ဖြစ်ရပေမည် ။ ထို ဗြဟ္မာ တို့၏သက်တမ်းသည် ကမ္ဘာနှင့်ချီ၍ (တချို့ ကမ္ဘာပေါင်းများစွာ) သက်တမ်းရှည်ကြသော်လည်း အတ္တ အယူ (သက္ကာယဒိဌိ) မပျောက်သေးလို့ သေခြင်းသဘောတရားမှ လွတ်မြောက်နိုင်ခြင်းမရှိသေးသလို (ငရဲ ၊ ပြိတ္တာ ၊ တိရိစ္ဆာန် ၊ အသူရကယ်)ဟူသည့် အပါယ်လေးပါးမှလဲ လွတ်မြောက်နိုင်ခြင်း မရှိသေးပါ ။ သက္ကာယဒိဌိအကျဉ်း- ရုပ် ၊ နာမ်(သိခြင်း၊မှတ်ခြင်း၊ခံစားခြင်း၊ပြုပြင်စီရင်ခြင်း) တို့ကို ငါဟု စွဲယူသည့် အယူကို ခေါ်ပါသည် ။ သမထဖြင့် ထိုဒိဌိ မပြုတ်ပါ ၊ ၀ိပဿနာတရား ပွားများအားထုတ်ပါမှ ပထမ သောတပတ္တိမဂ်ဥာဏ်ဖြစ်မှ ထို သက္ကာယဒိဌိကို အမြစ်ဖြတ်နိုင်ပါသည် ။
၁၁ ။ နောက်ဆုံးအမေးအဖြေ(၄)ခုတွဲသည် နိဗ္ဗာန် နှင့် စပ်သော အခြင်းအရာကို ဖွင့်ဆိုခြင်းဖြစ်လို့ လေးနက်စွာ အာရုံပြုနိုင်ကြစေရန် အမေး အဖြေ (၄)ခုလုံး အရင် ပူးတွဲဖော်ပြ ပါရစေ ။
(က) “ ဒီလို လွတ်မြောက်တဲ့ စိတ်ရှိသူကရော ဘယ်မှာ ပဋိသန္ဓေဖြစ်ပါသလဲ ”
       “ ပဋိသန္ဓေဖြစ်တယ် ဆိုတဲ့ အဖြစ်ကိုမရောက်ဘူး ၀စ္ဆ ”
(ခ)   “ ပဋိသန္ဓေအားဖြင့် မဖြစ်ဘူးပေါ့ ”
        “ မဖြစ်လို.လဲ ပြောလို.မရဘူး ၀စ္ဆ ”
(ဂ)   “‘ ဒါဆို ပဋိသန္ဓေဖြစ်လည်းဖြစ်၊ မဖြစ်လည်းမဖြစ်ပေါ့ ”
        “ အဲဒီလို အဖြစ်ကိုလည်း မရောက်ဘူးဝစ္ဆ ”
(ဃ)  “‘ ဒါဆို ပဋိသန္ဓေဖြစ်တာလည်းမဟုတ်၊ မဖြစ်တာလည်း မဟုတ်ပေါ့ ”
        “ အဲဒီ အဖြစ်ကိုလည်း မရောက်ဘူး ၀စ္ဆ ”
နိဗ္ဗာန် ဟူသည် လောကပညတ်ချက်တို့ဖြင့် တိုင်းတာဖော်ပြ ၊ စဉ်းစားဆင်ခြင်လေ့ရှိကြသောလောက ကို လွန်မြောက် ၊ လောကအနှောင်အဖွဲ့မှ လွတ်မြောက်သော တရားဖြစ်ပါသည် ။ သမုတ် ခေါ်ဆို လေ့ရှိကြသော လောကပညတ်များဖုံးလွှမ်းခံနေရသည့် သာမာန်လူသားတို့ဥာဏ်ဖြင့် မေးမြန်း ၊ စူးစမ်းရုံဖြင့် သိနိုင်ရန် မရတတ်သော လောကုတ္တရာ တရားအစစ်ကြီး ဖြစ်ပါသည် ။ ထို့ပြင် လောက လူသတ္တ၀ါတို့ သတ်မှတ်ကြသော အချိန် နေရာ ပယောဂ ၊ အကြောင်းတရားတို့ဖြင့် ကင်းလွတ်သော ထင်ရှားရှိသည့် လွတ်မြောက်မှု တရားကြီးလဲဖြစ်ပါသည် ။ နိဗ္ဗာန်ကို မဂ်ဥာဏ်(၄)ပါးဖြင့်သာ သိနိုင်ပြီး ဖိုလ်ဥာဏ်(၄)ပါးဖြင့်သာခံစားစံစား နိုင်ပါသည် ။ ဖြစ်တာမှန်သမျှ ပျက်ရသည့် ဒုက္ခအစစ်ကို ငြီးငွေ့ ၊ ကြောက်ရွံ့ ၊ လွတ်မြောက်လိုသူမှ မဂ္ဂင်ရှစ်ပါး အကျင့်တရားမြတ် (သီလ၊သမာဓိ၊ပညာ)ကို ဆောင်ယူ ကျင့်သုံးနေထိုင်မှသာ နိဗ္ဗာန်ကိုသိနိုင်သည့် မဂ်ဥာဏ်(၄)ပါးကို ဖြစ်စေပြီး လောကသံသရာဝဋ်ဆင်းရဲ အပေါင်းမှ လွတ်မြောက် ငြိမ်းချမ်းရာကို ရနိုင်ပါမည်ဟု ( မြတ်ဗုဒ္ဓဘာသာ၏ အဘိဓမ္မာသရုပ်၊ အနှစ်ချုပ်ကို ) တတ်နိုင်သမျှ (မှတ်၊သိ၊ဆင်ခြင်ဥာဏ်လေးဖြင့်သာ) ဖော်ထုတ် မိတ်ဆက် ပေးလိုက်ရပါကြောင်း ။
                                                                                      ( ၀ီမံသာ )

သိပ္ပံနည်းကျ ဗုဒ္ဓ အဘိဓမ္မာ (၂)

၎ ။ (  အသက်နဲ.ကိုယ် အတူပဲလို.ရော အယူရှိပါသလား )  ၊ ( အယူမရှိဘူး ဂစ္ဆ )

အသက်မဲ့ ကိုယ် မလှုပ်ရှားနိုင်သလို လျှပ်စစ်ဓါတ်မဲ့ မီးလုံးသည်လဲ မလင်းနိုင်ပါ ။ အသို့နည်း ၊ လျှပ်စစ်ဓါတ် နှင့် မီးလုံးသာ အတူပါဆိုလျှင် မီးခလုတ် ပိတ်ပိတ်၊မပိတ်ပိတ် မီးလုံးလင်းနေရပေမည် ။ ( တကယ်တော့ လျှပ်စစ် ဓါတ် သည် မီးလုံးလင်းနိုင်ဖို့ အထောက်အပံ့သာ ဖြစ်ပါသည် )

၅ ။ ( ဒါဆို အသက်တခြားကိုယ်တခြားလို.ရော အယူရှိပါသလား )   ၊  ( အယူမရှိဘူး ဂစ္ဆ )

လျှပ်စစ်ဓါတ်သည် မီးလုံးနှင့်တခြားစီ အပြင်မှာနေနေတာမဟုတ်ပါ ၊ မီးကြိုးဟူသောဆက်သွယ်ချက်ဖြင့် လျှပ်စစ်နှင့်မီးလုံး ဒွန်တွဲနေခြင်းသာ ဖြစ်ပါသည် ။ ထို့အတူ အသက် နှင့် ကိုယ်တို့သည်လဲ အကြောင်းတရား ဆက်သွယ်ချက်များဖြင့် သီးခြားမနေ ဒွန်တွဲနေပါသည် ။

၆ ။ ( သေပြီးတဲ့နောက်မှာ ဖြစ်တယ်လို.ရော အယူရှိပါသလား အရှင်ဂေါတမ )  ၊ ( အယူမရှိဘူး ဂစ္ဆ )

အဖေ သေသွားပြီ ၊ ဘယ်အရာသည်အဖေနည်း ၊ အလောင်းကောင်သည်အဖေဖြစ်ပါသလား ၊ အရိုးပြာ သည် အဖေဖြစ်ပါသလား ။ ခလုတ်ပိတ်လိုက်၍ လျှပ်စစ်ဓါတ်မဲ့သွားသော မီးလုံးသည် မီးလင်းနိုင်ခြင်းမရှိတော့လို့ မီးဖြစ်သည်ဟု ယူနိုင်ဦးမည်လော ။ အသို့နည်း ခလုတ်ပိတ်လိုက်တဲ့ ကွန်ပျူတာကြီးကို ကွန်ပျူတာဆိုပြီး စာဝင်ရိုက်လို့ ဖြစ်နိုင်ပါမည်လော ။ ( အဖေ ဟူသော အယူအစွဲကြောင့် အဖေ့အလောင်းပိုက် ၊ အဖေ့ ဂူရှေ့ ခေါင်းစိုက် ငိုမဆုံး၊လွမ်းမဆုံးရသော ၊ တမလွန်မှာ ဟိုဟာဖြစ်နိုးနိုး၊ဒီဟာဖြစ်နိုးနိုးနဲ့ မဆိုင်တော့တဲ့ ဘ၀တွေကို သမုဒယသံယောဇဉ်နဲ့ မှန်းဆ၊တမ်းတရသော ပုထုဇဉ်လူသားဒုက္ခတွေကို ဒီမရဏာနုဿတိနဲ့ ငြိမ်းနိုင်ပါစေ )

၇ ။ ( ဒါဆို သေပြီးတဲ့နောက် မဖြစ်လို.ရော အယူရှိပါသလား )   ၊  ( အယူမရှိဘူး ဂစ္ဆ )

မည်သို့နည်း ၊ ခလုတ်ပိတ်လိုက်တဲ့ မီးလုံးသည် ဘယ်တော့မှ မီးမဖြစ်ရတော့ဘူးလား ၊ ခလုတ်ပြန်ဖွင့်လျှင် မီးပြန်လင်းမည်သာ ။ မနေ့က ည(၁၂)နာရီတွင် ကွန်ပျူတာ ခလုတ်ပိတ်လိုက်သည် ။ ဘယ်တော့မှ စာပြန် ရိုက်လို့ မရတော့ဘူးတဲ့လား ၊ စာပြန်ရိုက်ချင်လို့(သုံးချင်လို့) ဒီမနက်(၁)နာရီတွင် ခလုတ်ပြန်ဖွင့်တော့ နေ့စွဲ အသစ်ဖြင့် ကွန်ပျူတာအသစ် ကျနော့်ရှေ့မှာ အသက်ဝင်နေပေပြီ ။ ခလုတ် အပိတ်၊အဖွင့် ဟူသော အကြောင်းတရား ကို မြင်နိုင်လောက်ပေပြီ ။ တကယ်တော့ ဘ၀တခု သေခြင်း ၊ ပြန်လည်မွေးဖွားခြင်း ဟူသည်မှာ ခလုတ်အပိတ် အဖွင့် ဟူသော အကြောင်းတရားပြည့်စုံသည်နှင့် ပျက်လိုက် ၊ ပြန်ဖြစ်လိုက် သံသရာလည်ရဦးမှာမို့ တဘ၀စာ အတွက်နဲ့ အကုသိုလ်ဝန်ထုပ်ထမ်းကာ သံသရာ တာဝန်မမဲ့မိကြစေဖို့ ဇာတိပိဒုက္ခာ ကို သေချာသတိ ပြုနိုင်ကြပါစေ )

                                                 ( ဆက်လက်ဖော်ပြပါမည် )                 ( ၀ီမံသာ )

သိပ္ပံနည်းကျ ဗုဒ္ဓ အဘိဓမ္မာ (၁)

ဖေ့စ်ဘုတ်တွင် မိတ်ဆွေတချို့ဆွေးနွေးကြသော နောက်ဘ၀ပြဿနာ ဆိုင်ရာ ဗုဒ္ဓဘာသာ အမေး အဖြေ တခုဖတ်လိုက်ရသည် ။ ဂစ္ဆသည် အယူပြိုင်ရန် လာသူဖြစ်၍ ဗုဒ္ဓ၏အဖြေတွင် အစွန်းတချက်ထွက်ပါက ၀ါဒ ရေးရာဖြင့် ဖိနှိပ်ရန်ကြံခဲ့သော်လည်း ဗုဒ္ဓ၏ လုံးဝ အစွန်းထွက်ခြင်းမရှိ ပကတိအမှန်တရားအတိုင်း အကျဉ်းမျှ ဖြေသွားသည့် အဖြေများဖြင့် မေးသူကိုကျေနပ်နှစ်သက်စေခဲ့ပါသည် ။ သို့သော် သိမ်မွေ့နက်နဲလှပြီး အစွန်း တရားလုံးဝလွတ်သည့် အနှစ်ချုပ်အဘိဓမ္မာတရားသဘောတို့ကို သည်အတိုင်းဖတ်လိုက်ရလျှင် နားလည်ရ ခက်ခဲမည်ဖြစ်သဖြင့် ယနေ့ခေတ် နားလည်ရန်လွယ်ကူသော သဘာဝသိပ္ပံပညာရပ်ဆိုင်ရာ ဥပမာတို့ဖြင့် တတ်နိုင်သမျှ မိမိနားလည်သလောက် ရှင်းပြသွားမည်ဖြစ်ပါသည် ။

ပထမဦးစွာ မြတ်ဗုဒ္ဓရှာဖွေတွေ့ရှိခဲ့သော လောက(၃)ပါးကို အကျဉ်းမျှ ပြောပါမည် ။

၁ ။ သတ္တလောက - ကျနော်တို့မြင်နိုင်စွမ်းရှိသမျှ လူ၊သတ္တ၀ါအပေါင်းနှင့် မမြင်နိုင်သော သက်ရှိသတ္တ၀ါအပေါင်း တို့၏ လောက ၊

၂ ။ သြကာသလောက - မြင်နိုင်၊မမြင်နိုင်သော ရေ၊မြေ၊တော၊တောင်၊ကောင်းကင်၊စကြ၀ဠာ စသည့်သက်မဲ့ရုပ် အပေါင်းတို့၏ လောက ၊

၃ ။ သင်္ခါရလောက - ပြုလုပ်နေမှုများ ၊ ဖြစ်ပျက်၊ပြောင်းလဲနေမှုများ စသည့် အကြောင်းခြင်းရာ အစုအဝေးကြီး ၏ လောက ။

အမေး အဖြေ နှင့်  ရှင်းလင်းချက်(ဥပမာ)များကို ပူးတွဲဖော်ပြသွားပါမည် ၊ အေးအေးဆေးဆေး ဖတ်ရှု၊စဉ်းစား နိုင်ရန် အပိုင်းခွဲ၍ တင်ပြသွားပါမည် ။

၁ ။ ( အရှင် ဂေါတမ - လောကသည် မြဲသည်ဟု အယူရှိပါသလား )  ၊  ( အယူမရှိဘူး ဂစ္ဆ )    

မြဲသည် ဆိုလျှင် ရေသည် အခြေအနေတခုတွင် ရေငွေ့ ၊ တချိန်တွင် ရေခဲ အဖြစ်သို့ ပြောင်းလဲတတ်သည် ဟူသော သဘာဝနိယာမကို ဆန့်ကျင်သွားပေမည် ။ ( ရေ သည် အမြဲတမ်း ရေ ဖြစ်မနေပါ )

၂ ။ ( ဒါဆို မမြဲဘူးလို့ အယူရှိပါသလား )   ၊ ( အယူမရှိဘူး ဂစ္ဆ )

မမြဲဘူးဆိုလိုက်လျှင် ရေသည် ရေငွေ့/ရေခဲ ဖြစ်ပြီးနောက် အခြေအနေတရပ်တွင်  မူလရေအဖြစ်သို့ ပြန်လည်ရောက်ရှိနိုင်သေးသည် ဟူသော စွမ်းအင်တည်မြဲမှုနိယာမကို ဆန့်ကျင်သွားပါလိမ့်မည် ။ ( ရေ၏ စွမ်းအင်သတ္တိသည် ရေငွေ့အသွင်ပြောင်းသွားလဲ ပျောက်ပျက်မသွားပါ ၊ ရေဖြစ်ရန်လိုအပ်သော အပူချိန် ရောက်လျှင် ရေပြန်ဖြစ်မည်သာ )

၃ ။ (လောကသည် အဆုံးမရှိလို.ရော အယူရှိပါလား )   ၊  ( အယူမရှိဘူး ဂစ္ဆ )

လောကသည်အဆုံးမရှိဘူးသာဆိုပါက ကောင်းကင်က ကြယ်ကြွေကျတာ မြင်ရတော့မည်ပင်မဟုတ်ပါ ။ ကြယ်ဟု ကျနော်တို့ခေါ်သော နေအဖွဲ့အစည်းတခုသည်လဲ အချိန်တန်လျှင် အဆုံးသတ်ရပါသည် ။ ဒီလိုသာ အဆုံးမရှိရိုးမှန်လျှင် မွေးလိုက်၊သေလိုက် ၊ ဖြစ်လိုက်၊ပျက်လိုက် ဖြစ်နေရသော သံသရာလဲ အဆုံးရှိမည်မဟုတ် တော့ပါ ။ သို့ဆိုလျှင် သံသရာမှ လွတ်မြောက်ရာမရှိပြီဟု ထွက်ပေါက်ပိတ်သွားလျှင် - ထိုဝဋ်ဒုက္ခ သံသရာမှ လွတ်မြောက်ရာကို ရှာတွေ့သွားကြသော ဘုရား၊ရဟန္တာ အစရှိသည့် ပုဂ္ဂိုလ်တို့ ပေါ်လာနိုင်စရာပင် မရှိပေ ။ အသို့နည်း ၊ အမှောင်ရှိလျှင် အမှောင်၏အဆုံး အလင်း ဟူသည် ရှိရမည်မဟုတ်လော ။

                                                   ( ဆက်လက်ဖော်ပြပါမည် )                 ( ၀ီမံသာ )